Хөгжлийн банкийг хянан шалгах түр хороо өнөөдөр хуралдсан. Хуралдааны үеэр УИХ-ын гишүүн Т.Доржханд ерөнхийлөгч асан Х.Баттулгын зөвлөх ТОСК-оор дамжуулан их хэмжээний зээл авч одоог хүртэл төлөхгүй байгаа асуудлыг хуулийн байгууллага онцгой анхаарах хэрэгтэйг хэлсэн юм.
Үүнээс гадна Хөгжлийн банкнаас их хэмжээний зээл авч одоог хүртэл өрөө төлөөгүй “Кю Эс Си” компанийн эзэн Сахал Д.Эрдэнэбилэг хоригдож байгаа ч түүний эзэмшлийн Худалдаа хөгжлийн банк төрөөс их хэмжээний хулгай хийсэн нь ил болсон гэдгийг онцоллоо.
Тэрээр: “Худалдаа хөгжлийн банк асар их хэмжээний мөнгө угаасан процесс байгаа. Төрөөс 1,6 их наяд төгрөгийн хулгай хийснийг жил гарны өмнө улсын нууцаас арай гэж гаргасан. Шаардлагатай бол би үүнийг ил болгож, дэлгэнэ шүү” гэсэн юм.
Сэтгэгдэл (0)
Сэтгэгдэл бичигдээгүй байна