Н.Түвшинбаярт холбогдох шүүх өнөөдөр хоёр дахь өдрөө Хан-Уул дүүргийн эрүүгийн хэрэг хянан шийдвэрлэх шүүхэд 09.30 цагаас эхэлж, үргэлжилж байна. Шүүх хурал өчигдөр өглөө 09.00 цагаас оройн 20.15 цаг хүртэл үргэлжилсэн. Хуралдаанаар шүүгдэгчийн өмгөөлөгч Л.Данзанноров “Хохирогчийн талд өмнө нь нөхөн төлсөн төлбөр дээр нэмж 363 сая төгрөг олгосон. Мөн Н.Түвшинбаярын гэр бүлийн шууд захиран зарцуулах эрхтэй хоёр үл хөдлөх хөрөнгийг хохирогчийн талд дахин нөхөн төлбөр болгон шилжүүлэн өгөхөө шүүхийн өмнө илэрхийлж байна” гэж байсан юм. Түүнчлэн Н.Түвшинбаяр нийт хохирол 2.7 тэрбум төгрөг төлсөн гэдгийг түүний өмгөөлөгч хэлж байна. Харин хохирогчийн хууль ёсны төлөөлөгч Б.Энхбат агсны гэргий Б.Нандинцэцэг хуралдааны явцад гурван хүүхдийнхээ сургалтыг төлбөрийг насанд хүрэх хүртэл нь төлүүлэх саналтай байгаагаа илэрхийллээ.
Сэтгэгдэл (0)
Сэтгэгдэл бичигдээгүй байна