“Талын салхи” олон улсын мото фестивалийг зургаа дахь удаагаа зохион байгуулна

М.Төгөлдөр
2022/06/09

НЗДТГ, Нийслэлийн Аялал жуулчлалын газар, Улаанбаатар чуулга, “Монголын чопперчин ахан дүүс” НҮТББ-тай хамтран мотоцикл сонирхогчдын дунд “Талын салхи” олон улсын мото фестивалийг зургадугаар сарын 11-нд буюу бямба гарагт зохион байгуулна. Энэ удаагийн фестивалийг “Эрүүл хүн-Архигүй Монгол” уриан дор зохион байгуулах бөгөөд  21 аймгийн болон монгол туургатан улсуудын төлөөлөл 100 гаруй мотоцикл сонирхогчид  оролцох юм. “Талын салхи” наадам зохион байгуулагчид хэвлэлийн хурал хийж мэдээлэл өглөө. Хэвлэлийн хуралд Нийслэлийн Аялал жуулчлалын газрын дарга Д.Батсүх, Улаанбаатар театрын захирал Р.Мөнхсайхан, “Монголын чопперчин ахан дүүс”  НҮТББ-ын тэргүүн Ш.Сүхбаяр, дэд ерөнхийлөгч Б.Бат-Ирээдүй нар оролцлоо.

МОТОЦИКЛИЙН ҮЗЭСГЭЛЭН, ҮЗҮҮЛЭХ ТОГЛОЛТ, ХУДАЛДАА, УРЛАГИЙН ТОГЛОЛТ БОЛНО

Хэвлэлийн хурлын эхэнд Нийслэлийн Аялал жуулчлалын газрын дарга Д.Батсүх “Талын салхи” мото фестивалийг зургаа дахь удаагаа зохион байгуулах гэж байна. Энэхүү фестиваль  олон улсад нэр хүнд бүхий наадам болон танигдсан. Хөрш ОХУ, БНХАУ болон Англи, Франц, Энэтхэг Улсаас мото спортынхон хүрэлцэн ирж байсан. Оролцогчид, аялагч, жуулчдад Улаанбаатар бол залуусын хот, залуусын хөгжлийг дэмжигч хот гэдгийг илэрхийлж чадсан. Энэ жилийн хувьд цар тахлыг даван туулсны дараах томоохон арга хэмжээ болж байгаагаараа онцлог. Бидэнд ирүүлсэн мэдээллээр ОХУ-аас олон багийн оролцогч манай хотыг чиглэн аян замдаа гарчихаад байна. Зарим нь хэдийнээ Дархан, Сэлэнгийн нутагт ирээд байгаа. Өмнө нь Тэрэлж, Цонжинболдогт зохион байгуулдаг байсан бол энэ жилийн фестиваль Сүхбаатарын талбайгаас эхэлнэ. Зургадугаар сарын 11-ний өглөө парад жагсаж, Сүхбаатарын талбайд орж ирнэ. 14:30 цагаас нээлтээ хийж, Нийслэлийн Засаг дарга үг хэлнэ. Энэ үеэр ховор нандин мотоциклийн үзэсгэлэн, үзүүлэх тоглолт, мотоцикл болон дагалдах хэрэгслийн худалдаа, хоол үйлчилгээ, циркийн үзүүлбэр, урлагийн тоглолт болно. Мөн мото клуб,  алдартай тамирчдыг танилцуулна” гэлээ.  

“Монголын чопперчин ахан дүүс” НҮТББ-ын тэргүүн Ш.Сүхбаяр:

-Талын салхи наадам өргөн дэлгэр зохион байгуулах хүлээлттэй байна. Гадаадын улс орны оролцогчдын тоо 100 гаруйд хүрч байна. Оролцогчид эхнээсээ өнөөдрөөс Улаанбаатарт ирнэ. мото фестивальд нийтдээ 35 мотоциклийн клуб, холбоод оролцоно гэлээ.

“ТАЛЫН САЛХИ” НААДМАА ЭНЭ ЖИЛ НИЙСЛЭЛЧҮҮДДЭЭ ЗОРИУЛЖ ХИЙНЭ

Улаанбаатар театрын захирал Р.Мөнхсайхан:

-“Талын салхи” наадмаа энэ жил нийслэлчүүддээ зориулж хийхээр төлөвлөсөн. Нээлтийн парадын дараагаас 21:00 цаг хүртэл наадам үргэлжилнэ. Нийтдээ 500 гаруй мотоциклчид оролцох төдийгүй тэдгээрээс маш онцгой, шилдэг 20 мотоциклийн үзэсгэлэн гарна. Ховор, нандин хүлгүүд байх болно. Талын салхийн тайзан дээр “Никитон”, “Нисванис”, “Bulsara”, “Lemons” хамтлагууд болон  дуучин Наран, Отгоо нар зорин ирж дуулах бол залуу оддоос Morningstar, Roockie, Don dior, Wolfism, Limit king зэрэг уран бүтээлчид тоглоно.  Мөн үндэсний урлагийн “Хөсөгтөн”, “Онгод” хамтлагаас гадна “Улаанбаатар” театрын уран бүтээлчид энэ өдрийг чимэн, уран бүтээлээ толилуулж, үдэш нь DJ шоу болно хэмээн танилцуулав.

КЛУБИЙН ГИШҮҮН БИШ БАЙСАН Ч МОТОЦИКЛ СОНИРХОГЧ ТА БҮХЭН МААНЬ ХҮРЭЭД ИРЭЭРЭЙ

“Монголын чопперчин ахан дүүс” НҮТББ-ын  дэд ерөнхийлөгч Б.Бат-Ирээдүй:

-Монголын мотоциклчид маш олуулаа болж байна. Арваадхан жилийн өмнө бид  20-30-лаа цугладаг байсан бол одоо 40-50 клубтэй болсон. Зөвхөн чопперийн клуб Улаанбаатарт 7-8, хөдөө орон нутагт хоёр клубтэй болсон байна. Чопперийн Cruiser ангиллын биш Cross, Bike, Offroad, Street мотоциклийн клубүүд хөгжсөн байна. Энэ ташрамд дуулгахад, иргэдийн дунд мотоцикльчид үдэш оройн цагаар мотоциклийн дуу чимээ гаргадаг гэсэн ойлголт байдаг. Гэтэл манай клуб болгон өөрсдийн лого тэмдэг бүхий хантааз өмсдөг. Ийм логотой хүмүүс хэзээ ч дэггүй, буруу үйл хийдэггүйг хэлье. Залуучууд маань болж өгвөл клубт хамааралтай болж, хамтдаа хөгжвөл илүү гоё шүү. Аль нэг клубийн гишүүн биш байсан ч мотоцикл сонирхогч та бүхэн маань хүрээд ирээрэй гэсэн юм.

“Талын салхи” наадам нь мото спорт сонирхдог хүн бүрийн наадам бөгөөд 2019 онд нийтдээ 800 гаруй мото тамирчид оролцож байжээ.  “Цайны зам” олон улсын аялал жуулчлалын холбооны гишүүн болох ОХУ болон БНХАУ-аас 200 мото тамирчид, мөн Япон, Энэтхэг зэрэг улсын төлөөлөл оролцож байсан түүхтэй, сонирхолтой наадам юм. Тус наадмаар дамжуулан тусгай сонирхлын аялал жуулчлалыг хөгжүүлэх,  Монгол Улсыг олон улсад сурталчлах, жуулчдыг татах зорилготой юм. Зургаа дахь удаагаа зохион байгуулах гэж буй мото фестивальд өргөнөөр оролцохыг зохион байгуулагчид хүслээ.

ТАЛЫН САЛХИ” ОЛОН УЛСЫН МОТО ФЕСТИВАЛИЙН ХӨТӨЛБӨР

2022 оны 06 дугаар сарын 09-ний өдөр                                                       Улаанбаатар хот

Хугацаа

Арга хэмжээ

09:00-12:00

“Буянт-Ухаа” нисэх буудлын талбай

12:00-13:00

Мото сонирхогчдын парад

11:00-21:00

Мото дагалдах хэрэгслийн үзэсгэлэн худалдаа, халуун хоол ундааны үйлчилгээ, өргөн зугаалга, фото болон бусад үйлчилгээ /Д.Сүхбаатарын талбай/

13:00-14:30

Жанжин Д.Сүхбаатарын талбайд оролцогч клубүүд байрлана

14:30-14:45

Нээлт /хөтлөгч нээнэ/- Улаанбаатар театр /сэрсэн тал/

14:45-15:30

МУ-ын Ерөнхийлөгч У.Хүрэлсүх болон Нийслэлийн Засаг дарга  бөгөөд Улаанбаатар хотын Захирагч Д.Сумъяабазар үг хэлнэ. Шагнал гардуулна.

15:30-16:00

Урлагийн тоглолт- Улаанбаатар театр

Циркийн үзүүлбэр

16:00-17:00

Оролцогч клубүүдийн танилцуулга, мэндчилгээ

Ховор нандин мотоциклын танилцуулга

17:00-18:00

Тэмцээн уралдаан /мото уран жолоодлого, олс таталт, гар барилдаан, мото үзүүлбэр/

18:00-19:00

Хүндэд зочид, мото спортын ахмад тамирчдаа тайзнаа алдаршуулах арга хэмжээ, наадамд оролцсон клубүүдэд батламж гардуулах

19:00-21:00

Еntertainment хөтөлбөр

Язгуур урлаг: Хөсөгтөн, Онгод, Улаанбаатар театр

Амьд хөгжим: Никитон, Нисванис, Наран, Отгоо, Булсара, lemons, Аравт, Growls of Clown, Rec On, U.F.O, The Tourists, Vagabond, Morning star

Hip Hop: Wolfizm, Don dior, limit king, Rookie

Циркийн үзүүлбэр

Галын үзүүлбэр

21:00-22:00

DJ/диско/

22:00

Хаалтын үйл ажиллагаа /Салют/

“НИЙСЛЭЛИЙН СУРГАЛТ, СУДАЛГАА ОЛОН НИЙТТЭЙ ХАРИЛЦАХ ГАЗАР


0
angry
0
care
0
haha
0
liked
0
love
0
sad
0
wow

Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
192.82.84.66
2022/06/11
0
0
Мото үзэсгэлэн нь гоё байх
Хариулах
202.21.109.38
2022/06/09
0
0
ene ajilgui pe aa nar ajil hiigesei yamar ch utagui gudamaar oriluulad yadaj gol orchim hog tseverleese ajilgui mal p daa zugeer demii moto unaj tsuvarch yavah ni hend heregtei bee
Хариулах
Шинэ мэдээ
Байрны гадна зогсоолоос автомашинаа алджээ 5 цагийн өмнө
Монголбанк нэгдүгээр сард 519.8 кг үнэт металл худалдан авчээ 6 цагийн өмнө
Ж.Ганбаатар: Нөөц нь тогтоогдсон томоохон орд газруудыг ашиглалтад оруулах ажлыг эрчимжүүлнэ 6 цагийн өмнө
УУХҮЯ: Эрдэс бүтээгдэхүүний экспорт 2022 онд өмнөх оны гүйцэтгэлээс 36.4 хувиар өссөн 6 цагийн өмнө
У.Хүрэлсүх: Өнгөрсөн 100 жилд эх орныхоо алтан хөрс, газрын хэвлийд ямар их баялаг байгааг нээн илрүүллээ 7 цагийн өмнө
Дэлхийн цусны донорын өдрийг "Дусал цус- дүүрэн амьдрал" уриан дор тэмдэглэв 7 цагийн өмнө
ШУУРХАЙ: Төв аймагт 4,1 магнитудын хүчтэй газар хөдлөлт боллоо 7 цагийн өмнө
Төрийн ордонд малчин эмэгтэйчүүд чуулж байна 8 цагийн өмнө
“Бриллиант” эмнэлгээр хавдрын мэс засал хийлгэсэн иргэд сэтгэл хангалуун байна 9 цагийн өмнө
Ж.Ганбат: Шуудхан хэлэхэд, 1072 хувьцааны ногдол ашиг тараах боломжгүй 9 цагийн өмнө
Хакүхо М.Даваажаргалын койныг авч хохирсон гэх иргэн С.Бат-Очир мэдээлэл хийлээ 10 цагийн өмнө
“Бриллиант” эмнэлэг ЭМД-аар хавдрын үсэрхийллийн шинжилгээг хийж байна 10 цагийн өмнө
ЭТТ-н ногдол ашгийг сар шинээс өмнө өгөх шаардлагыг Ерөнхий сайдад хүргүүлнэ 10 цагийн өмнө
“Бриллиант” эмнэлэг компьютер томографи, MRI оношлогоог ЭМД-аар 24 цагаар хийж байна 10 цагийн өмнө
Украинд манай улсын тусламж очжээ 11 цагийн өмнө
Аялал жуулчлалын тухай хуулийн шинэчилсэн найруулгын төслийн хэлэлцүүлэг боллоо 11 цагийн өмнө
НОСК: Түрээслээд өмчлөх орон сууцны төлбөрийг НӨАТ-аас чөлөөлөх санал гаргав 12 цагийн өмнө
Цахим гэрчилгээнд хамрагдаагүй тээврийн хэрэгслийг хөдөлгөөнд оролцуулахгүй 12 цагийн өмнө
Ч:63 чиглэлийн автобус богино эргэлтээр иргэдэд үйлчилнэ 12 цагийн өмнө
"Харцага цолтонд хүндэтгэл үзүүлэх бөхийн барилдаан” болно 12 цагийн өмнө