“Талын салхи” наадамд 500 гаруй тамирчид, мото сонирхогчид оролцлоо

М.Төгөлдөр
2022/06/12

“Талын салхи” олон улсын мото фестиваль үргэлжилж байна. Мото спорт сонирхогч, тамирчдын хувьд төдийгүй нийслэлчүүдийн хувьд үзүүштэй сонирхол татсан эл наадамд дотоодын 500 гаруй, ОХУ-ын зуу орчим мотоциклчид оролцсон байна. 

Нийслэлийн Засаг даргын нийгмийн хөгжил, боловсрол, эрүүл мэндийн асуудал хариуцсан орлогч З.Төмөртөмөө фестивалийг нээж хэлсэн үгэндээ “Дэлхий даяар хүмүүс өөрсдийнхөө хүсэл сонирхлоор нэгддэг болсон. Авто спорт, мото спорт, ууланд алхдаг хүмүүс,  аялагчид гэх мэтээр. Энэ бол аялал жуулчлалын нэг хэсэг. Нийслэл Улаанбаатар хотоо олон улсад сурталчлах, тусгай сонирхлын аялал жуулчлалыг хөгжүүлэх, жуулчдын хэрэгцээнд нийцсэн хотын аяллын бүтээгдэхүүн, шинэлэг үйлчилгээг бий болгох бидний зорилготой энэхүү наадмын зорилго нэг байгаа нь сайшаалтай. Улаанбаатар хотын шинэ өнгө үзэмж, орчин цагийн залуусын нэгэн шинэ хэв маяг болж, залуусын чөлөөт цагийг зөв боловсон өнгөрүүлэх боломжийг  нийслэлийн удирдлагууд үргэлж дэмжсээр ирсэн. Тиймээс ч сүүлийн саруудад Сүхбаатарын талбай хөл ихтэй байгаа. Цаашид ч залуусаа дэмжсээр байх болно” гэсэн юм.

Энэ удаагийн наадмын онцлогийн талаар оролцогчдын сэтгэгдлийг сонслоо.

“Монголын чопперчин ахан дүүс” НҮТББ-ын  дэд ерөнхийлөгч Б.Бат-Ирээдүй:

-Монголынхоо нийт мотоцикл сонирхогчдодоо “Талын салхи” фестиваль зохион байгуулж байгаад талархаж байгаагаа илэрхийлье. Зургаа дахь удаагийн “Талын салхи” фестиваль өргөн хүрээнд болж байна. Нийслэлийнхээ төв талбайд цуглаад нийт нийслэлчүүддээ “Талын салхи” гэж ямар наадам байдгийг таниулахын дээр Монголд мотоциклийн хөгжил ямар түвшинд байгааг, ямар ямар гоё мотоцикл байдгийг тайлагнасан сайхан наадам болж байна. Монголд нийтдээ 50 орчим мото клуб бий. Ингэж клуб нэгдэл олон болсон нь маш их ач холбогдолтой. Мото клубийнхэн маань сайн үйлсийн аянд их оролцдог. Богд ууланд түймэр гарахад клубээрээ очиж унтраалцаж байсан. Нийгмийн эмзэг давхаргынханд мөн тусалдаг. Машины сонирхогчид ч нийгмийн төлөөх аянд идэвхтэй оролцдог. Зөвхөн манай “Монголын чопперчин ахан дүүс” клубт л гэхэд 40 гаруй мотоциклтэй залуус бий. Дэмжигчдийг тоолбол зуу хол давна. Бид клуб тус бүрээрээ ижил хантааз өмсөж, энгэртээ клубийн лого, оролцсон фестивалийнхаа энгэрийн  тэмдгийг зүүж явдаг.

Hunnu Women Riders” клубийн гишүүн Г.Болорцэцэг:

-Эмэгтэйчүүдийн мото клуб байгуулагдаад хоёр жил болж байна. Мото спорт сонирхогч эмэгтэйчүүдийн тоо улам бүр нэмэгдэж байна. Мото спорт бол маш гоё спорт. Мотоцикл унаснаар ажлын стресс тайлагдана, маш таашаалтай спорт. Олон улсын фестивальд хоёр дахь жилдээ оролцож байна. Сэтгэгдэл өндөр байна гэсэн юм.

Энэ удаагийн фестиваль “Эрүүл хүн-Архигүй Монгол” уриан дор зохион байгуулагдаж байгаагаараа онцлог  юм. “Талын салхи” фестиваль нь мото спорт сонирхдог хүн бүрийн наадам бөгөөд 2019 онд нийтдээ 800 гаруй мото тамирчин оролцож байснаас “Цайны зам” олон улсын аялал жуулчлалын холбооны гишүүн болох ОХУ болон БНХАУ-аас 200 мото тамирчин, мөн Япон, Энэтхэг улсуудын төлөөлөл оролцож байсан юм.

НИЙСЛЭЛИЙН СУРГАЛТ, СУДАЛГАА ОЛОН НИЙТТЭЙ ХАРИЛЦАХ ГАЗАР


0
angry
0
care
0
haha
0
liked
0
love
0
sad
0
wow

Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
64.119.27.97
2022/06/12
0
0
Яг энэ цаг үед хэрэгтэй юу?
Хариулах
202.9.46.227
2022/06/12
0
0
хэдэн том жимээ гаргасан залахуу лалрууд
Хариулах
Шинэ мэдээ
Үр дүн: Хөгжлийн банканд 766.5 тэрбум төгрөгийн зээлийн эргэн төлөлт хийгджээ 3 цагийн өмнө
ГЕГ: Гадаадаас өөрийн нэр дээр бараа захиалсан иргэдийн бичиг баримт зөрчилгүй бол татварыг чөлөөлөн, саадгүй олгоно 4 цагийн өмнө
БХБ-ын сайд Б.Мөнхбаатар: Намайг солино гэвэл солино л биз 4 цагийн өмнө
С.Одонтуяа: Харийн оронд хилс хэрэгт цаазаар авахуулж эх орон, элгэн садандаа эргэн ирж чадаагүй иргэдээ дурсан санаж байна 4 цагийн өмнө
​Хэлмэгдэгсдийн гэрэлт самбар ногоон төгөлийн хамт сүндэрлэх нь 5 цагийн өмнө
Б.Мөнхбаатар: Ипотекийн зээл төлөлтийг хойшлуулах эсэхийг судалж байна, яам дангаараа шийдэхгүй 5 цагийн өмнө
Монгол, Францын хөдөө аж ахуйн салбарт хамтын ажиллагааны шинэ хуудас нээлээ 6 цагийн өмнө
ХХААХҮ-ийн сайд Х.Болорчулуун Франц улсад айлчилж байна 6 цагийн өмнө
Д.Батлут: Халамж авах ёстой иргэдээ бодитойгоор тодорхойлж чадахгүй байна 6 цагийн өмнө
Инновац, цахим бодлогын байнгын хорооны дарга болон гишүүд ЦХХХЯ-нд ажиллалаа 6 цагийн өмнө
БХ-ын сайд Г.Сайханбаяр: Цэргийн ангид дэглэлт огт байхгүй, цэргүүд өөрсдөө амиа хорлох явдал их байна 6 цагийн өмнө
​Жүжиг мэт амьдралд амьдарч буй мэт жүжиглэсээр орших... 6 цагийн өмнө
Ч.Хүрэлбаатар: Нүүрсний бүх гэрээг цахимжуулж, бүртгэлгүй нүүрс хилээр гарахгүй 6 цагийн өмнө
Б.Жавхлан: Хөгжлийн банкны зээлийн эргэн төлөлт 800 тэрбум төгрөгт хүрлээ, оны төгсгөлд 1 их наяд төгрөгт хүргэнэ 6 цагийн өмнө
БШУЯ: МУИС-ийн нэрийг МҮИС болгон өөрчилнө гэдэг ташаа мэдээлэл 7 цагийн өмнө
З.Цогтгэрэл: 2024 онд 34 мянган багшийн дутагдалд орно, одоогийн байдлаар 50 хувьдаа орсон 7 цагийн өмнө
“ Аiragday “ арга хэмжээг Улаанбаатар хотноо 10 сарын 8-9-нд зохион байгуулна 8 цагийн өмнө
Н.Сугар: Автобусанд мөргүүлсэн хүүхдийн буруу гэж үзээд хэргийг хаасан 8 цагийн өмнө
З.Цогтгэрэл: Солонгост ажиллахаар явсан дөрвөн багшийн хоёр нь тэндээ үлддэг 8 цагийн өмнө
Нийслэлийн прокурорынхон “Эрэл”-ийн Б.Эрдэнэбатын хэргийг “аргална” гэж авлига авсан уу 8 цагийн өмнө