Худалдаа хөгжлийн банкны ТУЗ-ийн дарга Д.Эрдэнэбилэг 4-р сарын 21-ний өдрөөс эхлэн нэг сарын хугацаагаар цагдан хоригдсон юм. Түүний цагдан хорих хугацааг дахин нэг сараас сунгаад байсан ч өнгөрсөн Даваа гарагт тэрээр батлан даалтад гарсан.
Түүний өмгөөлөгчид Д.Эрдэнэбилэгийн бие, эрүүл мэндийн байдал муу байгаа учраас цагдан хорих таслан сэргийлэх арга хэмжээг өөрчилж өгнө үү...өөрийн хамаарал бүхий аж ахуй нэгжүүдийн Монгол улсын Хөгжлийн банкнаас авсан зээл, хохирол төлбөрийг төлж барагдуулах асуудалд бодитой арга хэмжээ авна” гэх утга бүхий хүсэлтийг гаргажээ.
Улмаар шүүх яллагдагч Д.Эрдэнэбилэгт авсан цагдан хорих таслан сэргийлэх арга хэмжээг цаашид зайлшгүй үргэлжлүүлэх шаардлагагүй гэж үзэн түүнд авсан цагдан хорих таслан сэргийлэх арга хэмжээг 2022 оны 06 дугаар сарын 13-ны өдрөөс эхлэн өөрчилсөн юм. Шүүхээс үүнд хилээр гарах эрхийг хязгаарлах арга хэмжээ авч хориг тавиад байгаа. Гэвч тэрээр Сингапур улс руу эрхтэн шилжүүлэн суулгах хагалгаанд орохоор төлөвлөөд байгааг эх сурвалж мэдээллээ. Тэрээр Сингапур улсын нэр бүхий эмнэлгийн хяналтад байдаг тул ойрын хугацаанд эрүүл мэндийн шалтгаанаар хил нэвтрэх шаардлага үүсжээ. Хэрэв тэрээр эрүүл мэндийн шалтгаанаар хил нэвтрэх хүсэлтээ гаргасан тохиолдолд шүүх хуралдаанаар хэлэлцэн шийдвэрлэх юм.
Сэтгэгдэл (0)
Сэтгэгдэл бичигдээгүй байна