Дорнод аймгийн Засаг дарга усан хангамжийн шугам сүлжээг шинэчлэх хөрөнгө оруулалтыг үе шаттайгаар шийдвэрлүүлэн ажиллаж байна

М.Төгөлдөр
2022/06/23

Чойбалсан хотын ус хангамжийн хэвийн үйл ажиллагаа алдагдан, зэвтэй ус гарч, иргэдэд хүндрэл үүсээд байна. Дорнод аймгийн Засаг дарга М.Бадамсүрэн уг асуудлыг шийдвэрлэхийн тулд хийж хэрэгжүүлж байгаа болон хэрэгжүүлэхээр төлөвлөж буй ажлаа иргэддээ мэдэгдсэн байна.

Аймгийн Засаг даргаас Чойбалсан хотын унд, ахуйн цэвэр усны шугам сүлжээг шинэчлэх хөрөнгө оруулалтыг дэмжүүлэх чиглэлээр 2017 оноос эхлэн жил бүрийн Улсын төсвийн төсөлд санал, Барилга, хот байгуулалтын яам болон сайд, Усны судалгааны төв, Европын холбооноос Монгол Улсад суугаа Элчин сайд, Азийн хөгжлийн банк зэрэг шат шатны байгууллагуудад хандаж иржээ.

Өнөөдрийн байдлаар аймаг, орон нутаг өөрийн төсвийн хөрөнгөөр орон сууцны дундын өмчлөлийн зоорийн давхрын болон босоо халуун, хүйтэн ус, бохирын шугам сүлжээ шинэчлэх, Цэвэр усны ангийн “Төмөр шүүх станц”-д төмрийн ислийг шүүх зориулалттай стандартын 98 хувийн кварцын элсийг ашиглан усны төмрийг шүүх зэрэг ажлуудыг гүйцэтгэж байна. Мөн Чойбалсан хотын Ус хангамжийн шугам сүлжээг шинэчлэх ажлын ТЭЗҮ, зураг төсвийн ажлыг аймгийн төсвийн 380,0 сая төгрөгийн хөрөнгө оруулалтаар хэрэгжүүлж байгаа ба энэ 07-р сарын 01-ний дотор хүлээлгэж өгөх юм.

Мөн Монгол Улсын Засгийн газар, Бүгд Найрамдах Польш Улсын Засгийн газар хооронд 2017 онд байгуулсан нөхцөлт зээлийн ерөнхий хэлэлцээрийн дагуу 10,0 гаруй тэрбум төгрөгийн санхүүжилтээр хоногт 10000 м3 бохир хүлээн авч цэвэрлэх хүчин чадалтай Чойбалсан хотын Цэвэрлэх байгууламжийг барих ажлыг энэ онд эхлүүлэхээр бэлтгэл хангаж байгаа тухай мэдэгдлээ.

Түүнчлэн аймгийн Засаг даргаас аймгийн төсвийн хөрөнгө оруулалтаар нэн тэргүүнд засварлах шаардлагатай төв (магистраль) шугам хоолойноос бусад буюу салбар шугам, орон сууцны гадна шугам сүлжээ болон нийтийн орон сууцны зоорийн давхрын шугам хоолойг иж бүрэн шинэчлэх хөрөнгийн эх үүсвэр болох 5,8 тэрбум төгрөгийн хөрөнгө оруулалтын ажлыг 2022 оны аймгийн төсөвт тодотгол хийж, өөрчлөлт оруулах саналаа аймгийн Хуралд өргөн мэдүүлээд байгаа ба аймгийн ИТХ-ын энэ 06-р сарын 24-ний өдрийн хуралдаанаар хэлэлцүүлхээр төлөвлөжээ.

Ийнхүү аймаг, орон нутгийн зүгээс өөрсдийн төсвийн хөрөнгө оруулалтаар ундны усны хэвийн үйл ажиллагааг хангахад шаардлагатай бүхий л арга хэмжээг авч хэрэгжүүлэн ажиллаж байна.

Цаашид Чойбалсан хотын ус хангамжийн төв магистраль шугам сүлжээг шинэчлэх, гэр хорооллын зарим байршилд 15,0 орчим км урттай магистраль шугам хоолойг шинээр барих зэрэг ажлуудыг хэрэгжүүлэхэд шаардагдах 30,0 орчим тэрбум төгрөгийн хөрөнгө оруулалтыг Улсын төсвөөр шуурхай шийдвэрлүүлэх асуудлаар Барилга, хот байгуулалтын яам, сайд, МУ-ын Засгийн газар, Ерөнхий сайдад хандаад байгаа бол Дорнод аймгаас сонгогдсон УИХ-ын гишүүн, Байгаль орчин, хүнс, хөдөө аж ахуйн байнгын хорооны дарга Х.Болорчулуун, УИХ-ын гишүүн Ц.Сэргэлэн нар үүсээд байгаа нөхцөл байдалтай газар дээр нь танилцаж, шаардагдах хөрөнгө оруулалтыг Улсын төсвөөр шийдвэрлүүлэхээ илэрхийлсэн байна.


0
angry
0
care
0
haha
0
liked
0
love
0
sad
0
wow

Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
102.89.47.92
2022/07/09
0
0
Та бөөрийг худалдахыг хүсч байна уу? Та санхүүгийн хямралын улмаас бөөрийг зарж борлуулах боломжийг эрэлхийлж байна уу, юу хийхээ мэдэхгүй байна уу? Дараа нь бидэнтэй холбоо бариад DR.PRADHAN.UROLOGIST [email protected] хаягаар бид танд бөөрнийх нь хэмжээгээр санал болгох болно. Yнэ: $780, 000 (Долоон зуун, Наян мянган доллар)
Хариулах
Шинэ мэдээ
Байрны гадна зогсоолоос автомашинаа алджээ 5 цагийн өмнө
Монголбанк нэгдүгээр сард 519.8 кг үнэт металл худалдан авчээ 6 цагийн өмнө
Ж.Ганбаатар: Нөөц нь тогтоогдсон томоохон орд газруудыг ашиглалтад оруулах ажлыг эрчимжүүлнэ 6 цагийн өмнө
УУХҮЯ: Эрдэс бүтээгдэхүүний экспорт 2022 онд өмнөх оны гүйцэтгэлээс 36.4 хувиар өссөн 6 цагийн өмнө
У.Хүрэлсүх: Өнгөрсөн 100 жилд эх орныхоо алтан хөрс, газрын хэвлийд ямар их баялаг байгааг нээн илрүүллээ 6 цагийн өмнө
Дэлхийн цусны донорын өдрийг "Дусал цус- дүүрэн амьдрал" уриан дор тэмдэглэв 7 цагийн өмнө
ШУУРХАЙ: Төв аймагт 4,1 магнитудын хүчтэй газар хөдлөлт боллоо 7 цагийн өмнө
Төрийн ордонд малчин эмэгтэйчүүд чуулж байна 8 цагийн өмнө
“Бриллиант” эмнэлгээр хавдрын мэс засал хийлгэсэн иргэд сэтгэл хангалуун байна 9 цагийн өмнө
Ж.Ганбат: Шуудхан хэлэхэд, 1072 хувьцааны ногдол ашиг тараах боломжгүй 9 цагийн өмнө
Хакүхо М.Даваажаргалын койныг авч хохирсон гэх иргэн С.Бат-Очир мэдээлэл хийлээ 10 цагийн өмнө
“Бриллиант” эмнэлэг ЭМД-аар хавдрын үсэрхийллийн шинжилгээг хийж байна 10 цагийн өмнө
ЭТТ-н ногдол ашгийг сар шинээс өмнө өгөх шаардлагыг Ерөнхий сайдад хүргүүлнэ 10 цагийн өмнө
“Бриллиант” эмнэлэг компьютер томографи, MRI оношлогоог ЭМД-аар 24 цагаар хийж байна 10 цагийн өмнө
Украинд манай улсын тусламж очжээ 11 цагийн өмнө
Аялал жуулчлалын тухай хуулийн шинэчилсэн найруулгын төслийн хэлэлцүүлэг боллоо 11 цагийн өмнө
НОСК: Түрээслээд өмчлөх орон сууцны төлбөрийг НӨАТ-аас чөлөөлөх санал гаргав 12 цагийн өмнө
Цахим гэрчилгээнд хамрагдаагүй тээврийн хэрэгслийг хөдөлгөөнд оролцуулахгүй 12 цагийн өмнө
Ч:63 чиглэлийн автобус богино эргэлтээр иргэдэд үйлчилнэ 12 цагийн өмнө
"Харцага цолтонд хүндэтгэл үзүүлэх бөхийн барилдаан” болно 12 цагийн өмнө