Ерөнхийлөгч У.Хүрэлсүх Мод үржүүлгийн “Эрдэнэт” цогцолборын бүтээн байгуулалтыг эхлүүллээ


Монгол Улсын Ерөнхийлөгч Ухнаагийн Хүрэлсүх Булган аймгийн Сэлэнгэ сумын нутагт байгуулагдах Мод үржүүлгийн “Эрдэнэт” цогцолборын бүтээн байгуулалтыг эхлүүллээ.

“Тэрбум мод” үндэсний хөдөлгөөний хүрээнд “Эрдэнэт үйлдвэр” ТӨҮГ-ын тавьсан 100 сая мод тарьж, ургуулах зорилтын хүрээнд Мод үржүүлгийн “Эрдэнэт” цогцолборыг байгуулах бөгөөд Монгол Улсын анхны бүрэн автомат технологийн шийдэл бүхий мод үржүүлгийн газар болох юм.

Модлог ургамлын тарьц үржүүлгийн бүрэн автомат системийг Шведийн Хаант Улсаас нэвтрүүлснээр жилд 10 сая тарьц ургуулах хүчин чадалтай мод үржүүлгийн цогцолборыг 100 га газарт байгуулахаар төлөвлөж байна.

Монгол Улсын Ерөнхийлөгч Ухнаагийн Хүрэлсүх “Эрдэнэт үйлдвэр” ТӨҮГ нь 100 сая мод тарьж ургуулах амлалтаа маш богино хугацаанд ажил хэрэг болгож, ойн салбарын түүхэнд шинэ хуудас нээсэн бүтээн байгуулалтуудыг өрнүүлж байгаад баяр хүргэж, талархал илэрхийллээ.

Ойрын 10 жилийн хугацаанд тэрбумаар тоологдох мод тарьж ургуулах үндэсний хөдөлгөөн амжилттай хэрэгжихэд орчин үеийн технологи бүхий мод үржүүлгийн газруудыг байгуулах нь чухал бөгөөд орон нутгийн удирдлага, үндэсний аж ахуйн нэгжүүд, мод үржүүлгийн чиглэлээр үйл ажиллагаа явуулж буй компаниуд, иргэд идэвх санаачилгатай, өндөр оролцоотой ажиллана гэдэгт итгэж байгаагаа хэлэв.

“Эрдэнэт үйлдвэр” ТӨҮГ-ын Ерөнхий захирал Х.Бадамсүрэн энэхүү 100 га талбай бүхий цогцолбор нь модлог ургамлыг орчин үеийн технологи, инновацыг ашиглан бойжуулахаас гадна ойн аж ахуй, агро ойн аж ахуй, хөдөө аж ахуй, хүнсний салбарын сургалт, эрдэм шинжилгээ, үйлдвэрлэл хосолсон бүс болж хөгжинө гэдгийг онцоллоо.

Монгол Улсын Ерөнхийлөгчийн Тамгын газрын дарга Я.Содбаатар энэ оны 05 дугаар сарын эхээр Шведийн Хаант Улсад ажиллах үеэр “Эрдэнэт үйлдвэр” ТӨҮГ нь тус улсын “Би Си Си” болон “Садкора Форестри” компаниудтай Харилцан ойлголцлын санамж бичиг байгуулж, хамтын ажиллагаагаа эхлүүлсэн.

Мод үржүүлгийн “Эрдэнэт” цогцолборт “Би Си Си” компанийн бүрэн автомат технологийг ашигласнаар хүч, цаг хугацаа, хөрөнгө мөнгө хэмнэх олон давуу талтай гэдгийг “Эрдэнэт үйлдвэр” ТӨҮГ-ын “Ногоон хөгжил” төслийн нэгжийн дарга Я.Ариунзул хэллээ.

Тухайлбал, нэг хүн 3 өдөрт нэг сая тарьц суулгах боломжтой бөгөөд ингэснээр тус мод үржүүлгийн газарт нийт 12 хүн ажиллах юм.

Мөн тарьцын жилийн өсөлт 20-30 см байх юм. Ингэснээр гурван жил бойжуулсны дараа ойжуулалтад гаргадаг байсан нарсны тарьцыг нэг жилийн дараа ойжуулалтад шилжүүлэх боломжтой.

100 ГА ТАЛБАЙ БҮХИЙ МОД ҮРЖҮҮЛГИЙН “ЭРДЭНЭТ” ЦОГЦОЛБОР НЬ:
  • Боргоцой хатаах, үр боргоцой ангилан ялгах автомат шугам,
  • Загасны аж ахуй бүхий усан сан,
  • Зөгийн аж ахуй бүхий жимсний эх ургамлын плантац,
  • Шилмүүст модны үрийн плантац,
  • Малын тэжээлийн ургамал бүхий хамгаалалтын ойн зурвас,
  • Гахайн аж ахуй бүхий ойжуулалтын бригад,
  • Тахианы аж ахуй бүхий бойжуулгын талбай зэрэг хэсгээс бүрдэнэ.

“Эрдэнэт үйлдвэр” ТӨҮГ нь “Ногоон хөгжил” төслийн хүрээнд ойн генетик нөөцийн төв, хөрсний биотехнологийн төв, мод үржүүлгийн цогцолбор байгуулахаас гадна уурхайн хаягдлын аж ахуйг тойруулан нэг сая мод тарьж ногоон зурвас буй болгох, Эрдэнэт, Хангалын голыг дагуулан сая мод тарьж бургасан төгөл үүсгэх, “Уул уурхай-100” модот гэрэлт түүхэн бичиглэлийг хийх зэрэг ажлуудыг эхлээд байна.


0
angry
0
care
0
haha
0
liked
0
love
0
sad
0
wow

Сэтгэгдэл (5)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
64.119.27.84
2022/06/24
0
0
Улсын гадаад ӨР улс орон газар нутгаа алдах дээрээ тулчихаад байхад юу солиороод мод тарих юм яриад яваа тэнэг вэ! ӨРӨӨ ТӨЛӨХ тухай юм хийгээч тэнэг eрөнхийлөгч гуай !
Хариулах
202.126.90.21
2022/06/24
0
0
Ажлаа хийгээч ээ улс орон чинь дампуурлаа
Хариулах
202.126.90.21
2022/06/24
0
0
Энэ махан толгой ард мөнгийг үрээд л явах юм улс удирдах чадвар үнэн алгаа. Өдөрт сая мод тарина гэх шиг Үхсэн хүнтэй уулзаад ирнэ махан толгой юм аа
Хариулах
192.82.71.225
2022/06/23
0
0
Аод түмний мөнгийг ингэж үрэн таран хийж болох уу?
Хариулах
2607:fb90:b784:f812:b472:d60b:e657:6b3e
2022/06/23
0
0
Za hutsaa huts
Хариулах
Шинэ мэдээ
Байрны гадна зогсоолоос автомашинаа алджээ 3 цагийн өмнө
Монголбанк нэгдүгээр сард 519.8 кг үнэт металл худалдан авчээ 4 цагийн өмнө
Ж.Ганбаатар: Нөөц нь тогтоогдсон томоохон орд газруудыг ашиглалтад оруулах ажлыг эрчимжүүлнэ 4 цагийн өмнө
УУХҮЯ: Эрдэс бүтээгдэхүүний экспорт 2022 онд өмнөх оны гүйцэтгэлээс 36.4 хувиар өссөн 4 цагийн өмнө
У.Хүрэлсүх: Өнгөрсөн 100 жилд эх орныхоо алтан хөрс, газрын хэвлийд ямар их баялаг байгааг нээн илрүүллээ 5 цагийн өмнө
Дэлхийн цусны донорын өдрийг "Дусал цус- дүүрэн амьдрал" уриан дор тэмдэглэв 5 цагийн өмнө
ШУУРХАЙ: Төв аймагт 4,1 магнитудын хүчтэй газар хөдлөлт боллоо 5 цагийн өмнө
Төрийн ордонд малчин эмэгтэйчүүд чуулж байна 6 цагийн өмнө
“Бриллиант” эмнэлгээр хавдрын мэс засал хийлгэсэн иргэд сэтгэл хангалуун байна 7 цагийн өмнө
Ж.Ганбат: Шуудхан хэлэхэд, 1072 хувьцааны ногдол ашиг тараах боломжгүй 7 цагийн өмнө
Хакүхо М.Даваажаргалын койныг авч хохирсон гэх иргэн С.Бат-Очир мэдээлэл хийлээ 8 цагийн өмнө
“Бриллиант” эмнэлэг ЭМД-аар хавдрын үсэрхийллийн шинжилгээг хийж байна 8 цагийн өмнө
ЭТТ-н ногдол ашгийг сар шинээс өмнө өгөх шаардлагыг Ерөнхий сайдад хүргүүлнэ 8 цагийн өмнө
“Бриллиант” эмнэлэг компьютер томографи, MRI оношлогоог ЭМД-аар 24 цагаар хийж байна 8 цагийн өмнө
Украинд манай улсын тусламж очжээ 9 цагийн өмнө
Аялал жуулчлалын тухай хуулийн шинэчилсэн найруулгын төслийн хэлэлцүүлэг боллоо 9 цагийн өмнө
НОСК: Түрээслээд өмчлөх орон сууцны төлбөрийг НӨАТ-аас чөлөөлөх санал гаргав 10 цагийн өмнө
Цахим гэрчилгээнд хамрагдаагүй тээврийн хэрэгслийг хөдөлгөөнд оролцуулахгүй 10 цагийн өмнө
Ч:63 чиглэлийн автобус богино эргэлтээр иргэдэд үйлчилнэ 10 цагийн өмнө
"Харцага цолтонд хүндэтгэл үзүүлэх бөхийн барилдаан” болно 10 цагийн өмнө