С.Энхболд: Омикроны тав дахь давлагаа эхэлж байна

М.Ариунжаргал
2022/07/22

Эрүүл мэндийн сайд С.Энхболдын ярилцлагыг хүргэж байна. 

-Манай улсад халдварын тохиолдлын тоо нэмэгдэж байгаа шалтгаан юу вэ?

-Омикроны БА4 ба БА5 хувилбарууд дэлхийн олон улс орнуудад давлагаа үүсгэж байна. Энэ хувилбар бол сүүлийн хувилбар биш. Мөн нэг асуудал нь аль ч  вирус тасралтгүй мутацад орж шинж тэмдэг нь илүү хөнгөн болох хандлагатай байдаг атал  энэ вируст ийм хандлага харагдахгүй байна. БА4, БА5 хувилбарын шинж тэмдэг хүнд байна.  

Одоогоор ХӨСҮТ дээр хийж буй генийн дараалал тогтоох шинжилгээний үр дүнгээс харахад нийт тохиолдлын 10 орчим хувь нь Омикроны БА4 ба БА5 хувилбар эзэлж байгаа ба 14 хоног дотор 80-95 хувийг энэ хувилбар эзлэх болно гэсэн тооцооллыг манай эрдэмтэд гаргаад байна.

-Омикроны БА4 ба БА5 хувилбарын шинж тэмдэг онцлог юу вэ. Мөн ямар эрсдэлтэй вэ?

-БА4 ба БА5 хувилбарууд сэртэнгийн уураг дээрээ L452R ба F486V гэж нэрлэгддэг мутац агуулдаг ба L452R  мутац нь эсэд бэхлэгдэх, дархлаанаас зугтах боломж олгодог бол F486V мутац нь эс лүү нэвтрэх чадварыг эрс нэмэгдүүлсэн гэж ойлгож болно. Өөрөөр хэлбэл, маш хурдан эсэд бэхлэгдэж дотогш нэвтрэх чадвартай болсон гэсэн үг юм.

Хэдий тийм боловч вакцинд хамрагдсан хүмүүсийн дархлааны эс вирусийг хурдан таньж, хурдан идэвхжиж халдварлагдсан эсүүдийг устгаж мөн дархлааны уургуудыг нэмэлтээр нийлэгжүүлснээр хөнгөн өвддөг. Харин вакцинд хамрагдаагүй эсвэл дархлаа сул, хавсарсан өвчтэй хүмүүс болон ахмад настнуудад эрсдэл үүсдэг. Учир нь эдгээр хүмүүсийн дархлааны эс вирусээр халдварлагдсан эсийг устгаж чадахгүй удсанаас вирус олон эсэд үржиж улмаар шинж тэмдэг хүндэрч амь насанд эрсдэл үүсдэг.  

Тухайлбал энэхүү хувилбар нь дархлаа хэвийн вакцинтай хүмүүст хатгаа үүсгэхгүй бол дархлаа сул, хавсарсан өвчтэй хүмүүст хатгаа үүсгэж хүндрэх эрсдэлтэйШинж тэмдгийн хувьд хамраас шингэн нус гоожих, хоолой өвдөх, хоолой хорсох мөн тасралтгүй ханиалгах зовуурь илэрч мөн ядрах, булчин шөрмөсөөр, үеэр өвдөх, халуурах мөн гурав дахь өдрөөс цээжээр өвдөх их ханиаснаас болж жижиг нарийн судсууд гэмтэж цустай ханиах гэх мэт шинж тэмдгүүд голлож байна.

Хүүхдэд бол халуурах мөн хуцуулж ханиах шинж тэмдэг илүү түлхүү байна. Хүүхдүүдэд илүү тод шинж тэмдэгтэй хүнд өвдөх эрсдэл байгаа ба үүн дотроо хавсарсан өвчтэй хүүхдүүдэд эрсдэл бас үүсэж байна. Хүүхдүүдэд мөн ходоод гэдэсний замын шинж тэмдэг болох хэвлийгээр өвдөх, бөөлжих гүйлгэх, суулгах шинж тэмдэг илэрч байна. Ер нь шинж тэмдэг  хүнд байна. Дээрх шинж тэмдгүүд 7-14 хонож байж арилж байна, вакцинтай хүмүүст шинж тэмдэг илүү хурдан арилж байгааг мөн  амт үнэр алдах шинж тэмдэг илрэхгүй байгааг Их Британийн Ковид шинж тэмдэг бүртгэдэг “Zoe Health” байгууллага мэдээлж байна.

-Шинэ хувилбарын давлагааг хэрхэн явагдана гэж үзэж байгаа вэ?

-Энэхүү хувилбар нь тухайн улсад хэр том давлагаа үүсгэх вэ гэдэгт тухайн улс орны вакцины хамралт, яг ямар төрлийн вакциныг тарьсан, дархлаа сэргээх тунд хэдэн хувь нь хамрагдсан,  урьд нь ямар хувилбараар үүсгэгдсэн давлагаанууд хэдий хугацаанд явагдсан, хүн амын насны бүтэц тухайлбал хүн амын дийлэнх нь хөгшин эсвэл залуу эсэх зэрэг олон хүчин зүйл нөлөөлж байна. Ийм шалтгаанаар зарим улс оронд нийт хүн амын таван хувь нь халдвар авч өвдөж байхад зарим оронд 15 хувь хүртэлх хувь нь өвдөж байна.

Манай хувьд вакцины нэг ба хоёр тунгийн хамралт сайн мөн дархлаа сэргээх тунгийн хамралт сайн байгаа зэрэг нь давуу талыг олгож байгаа. Гэхдээ судлаачид вакцины үр нөлөө 4-5 сарын дараагаар буурч байгааг байнга анхааруулж байгаа учир вакцинд хамрагдаад дээрхээс илүү хугацаа өнгөрсөн иргэдийг вакцинд хамрагдахыг бид байнга уриалж байна.

Энэхүү давлагаа манайд хүчтэй давлагаалж эхэлсэн нь манай дийлэнх иргэд сүүлийн тунгаа хийлгэснээс хойш зургаан сараас дээш болсон вакцины дархлааны нөлөө буурсан үетэй давхцаж байна.

-Шинэ хувилбартай тэмцэх манай улсын тактик ямар байх вэ?

-ЭМЯ-ны зүгээс 5-11 насны хүүхдүүдийг вакцинд хамруулах шийдвэрийг гаргасан. Ерөнхий сайд Л.Оюун-Эрдэнэ ихээхэн чармайлт гаргаж  АНУ-ын ЭСЯ-ны холбогдох хүмүүстэй хэд хэдэн удаа уулзаж  хүсэлт тавьсны хүрээнд  “Ковакс” хөтөлбөрөөр дамжуулан  “Файзер”  5-11 насны хүүхдүүдийн вакциныг хүлээн авах эхний орны тоонд манай улс багтаж  нэг сая тунг энэ оны зургаадугаар сард хүлээж аваад байгаа. “Ковакс” хөтөлбөрийн томоохон санхүүжүүлэгч нь АНУ байдаг гэдгийг та бүхэн мэдэж байгаа.

Мөн 12-16 насны хүүхдүүдийг дархлаа сэргээх тунг тарих ба 16 дээш насны иргэдийг дархлаа сэргээх тунгуудад хамрагдах тушаалыг бид 2022 оны нэгдүгээр сард гаргасан. Мөн иргэдийг нэмэлт тунд хамруулах шаардлагатай. Үүнд хоёр дахь тун хамрагдсан хүмүүс гурав дахь тундаа, гурав дахь тунд хамрагдсан хүмүүс дөрөв дэх тундаа хамрагдах шаардлагатай.

Эмнэлгийн орны зохицуулалтыг бид төвлөрүүлэн хийнэ. Зөвхөн хүндрэх эрсдэлтэй хүүхэд, жирэмсэн, настан болон хавсарсан өвчтэй хүмүүсийг эрэмбэлэн хэвтүүлнэ. Хөнгөн өвдөж буй иргэд гэрээрээ дархлаагаа дэмжих эмчилгээ хийх ёстой. Мэдээж иргэд бусад өвчнөөр өвдөж байдаг тул бүх эмнэлгийн ор, үйлчилгээ, хүний нөөцийг цар тахлын эсрэг зориулах боломжгүй учир дээрх зохицуулалтуудыг хийж байна. Мөн Засгийн газрын зүгээс өнөөдрийн байдлаар бүх аймгуудын төвд болон Улаанбаатар хотын томоохон эмнэлгүүдэд хүчилтөрөгчийн үйлдвэр байгуулж, ПГУ шинжилгээний лабораториудыг байгуулж, эмийн гурван сарын нөөцийг бүрдүүлсэн байгаа. Эрүүл мэндийн салбар хүний нөөцийн дутагдалд орох эрсдэлтэй тул  эрүүл мэндийн салбарынхан болон бусад хариу арга хэмжээний хүний нөөцийг нэмэлт вакцинжуулалтад хамруулна. Энэ намар олон хүчин зүйлээс хамааран Томуу ба КОВИД тохиолдлын тоо эрс нэмэгдэх аюул байгаа гэж харж байгаа учир манай салбар бүх л боломжтой бэлтгэл ажлуудыг одооноос ханган ажиллаж байна.  Иргэд олон нийт амны хаалтыг заавал зүүх шаардлага үүсэж байна.

-Хүүхдийн вакцин хийхэд  эрсдэл байгаа юу?

-Мэдээж аль ч улс орон өөрийн ирээдүй болсон хүүхэд багачууддаа эм, тариа, вакцинд хамруулахдаа хамгийн их судалгааг хийж болгоомжтой ханддаг. АНУ-ын Эм Хүнсний агентлаг 2021 оны аравдугаар сард 5-11 насны хүүхдүүдийг вакцинд хамруулах шийдвэр гаргасан. Энэхүү шийдвэр нь энэ насны бүлэг дэх өвчлөл ба хүндрэл нас баралтыг тооцон үзэж мөн  энэ насны бүлэгт хийсэн судалгаан дээр үндэслэсэн байдаг. 5-11 насны хүүхдийн вакциныг хөгжингүй олон орон 2021 оны сүүлчээр хийж эхэлсэн. АНУ гэхэд 2021 оны сүүлч гэхэд найман сая гаран тунг тарьсан. Үүнээс таван сая нь нэгдүгээр тун гурван сая нь хоёрдугаар тунг тарьсан. Тус улсын Өвчний Хяналтын Төвөөс 2021 оны сүүлчээр мөн 5-11 насны вакцин тариулсан хүүхдүүдийн гаж нөлөөний судалгааг нийтэлсэн ба 5-11 насны хүүхдүүдэд вакцин тарих нь халдвараас үр дүнтэй хамгаалахаас гадна эрүүл мэндийн эрсдэлгүй байна гэсэн судалгааг мөн гаргасан. Бид 5-11 насны хүүхдүүдийн вакциныг олон оронд хэрэглэсний дараагаар хийж байгаагаараа онцлогтой. Өөрөөр хэлбэл бид вакцины судалгаанаас гадна олон олонд хэрэглэсний дараах судалгааг үндэслэн хийж байна.

-Цаашид коронавирус алга болох уу. Эрдэмтэд юу гэж үзэж байгаа вэ?

-Коронавирус гэдэг бүлэгт маш олон төрлийн вирус байдаг юм. Дэлхий дахиныг донсолгоод байгаа энэ вирус бол Sars-CoV-2. Өнөөдөр зарим коронавирус бидний дунд бидэнтэй хамт оршин амьдарч буй. Олон эрдэмтэд  энэхүү коронавирус (Sars-CoV-2) нь бусад дөрвөн улирлын коронавирусийн адилаар улирлын шинж чанартай болж намар өвөлдөө  гурван жил тутамдаа дэгдэлт өгдөг байдал руу шилжих магадлалтай гэж үзэж байгаа. Харин тэрхүү дэгдэлтийн үед шинж тэмдэг нь ямар байх бэ хөнгөн байх уу, хүнд байх уу.

Мөн Лонг КОВИД буюу Ужиг Ковид байхаар байх уу гэдэг дээр нэлээн маргаантай байна. Харин яг одоогийн шиг ийм байдлаар томоохон дэгдэлтүүд яваад байх юм бол цаашид дэлхий даяар Нийгмийн эрүүл мэндийн томоохон асуудал хэвээр байх болно.

Эх сурвалж: “Зууны мэдээ” сонин (2022 ОНЫ ДОЛДУГААР САРЫН 22. БААСАН ГАРАГ. № 139 (6871)


9
angry
1
care
4
haha
2
liked
2
love
8
sad
4
wow

Сэтгэгдэл (18)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.190.116
2022/07/24
0
0
1-р эмнэлэг чинь эмч нар авлигачин юм байна лээ шүү сайд гуай. Авлигал өгөхгүй бол хүнээ эмчилэхээ байсан ацнууд
Хариулах
192.82.76.74
2022/07/24
0
0
9 сараас жагсышдээ арай эрт айлгаад
Хариулах
2a01:4c8:8a4:117e:d169:6b65:922c:1752
2022/07/23
0
0
Zailaarai pidda mini
Хариулах
202.126.89.5
2022/07/23
0
0
Одоо болио
Хариулах
203.91.115.52
2022/07/23
0
0
эрүүл мэндийн яамыг сарангэрэл ,энхболд мэтийн нөхдүүд удирдаж байхад яаж өөдлөх юм .улсын нэртэй эмнэлэгүүд очер нь дийлдэхгүй богино настай хүн нас нь гүйцэхгүй наян юм болж үзүүлнэ манайх шинжилгээ хийхгүй,эхо харахгүй гадуур хийлэг гэнэ .дотор нь ажилдаг нөхдүүд танил талаа хөтлөөд очер дайриад явна ороод үзүүлхээр шинжилгээгээ ойлгохгүй утсаар ярьсан их зантай залчууд хүн загнаад сууна. төрхийн эмч,мэс засалын эмч нар гэж улаандаа гарсан авилгачид ,урдхаа олигтой хийж чадаагүй байж гар хараад сурсан нөхдүүд бна . одоо яах уу ард түмэн энхболдоо???
Хариулах
202.126.94.99
2022/07/23
0
0
Эруул мэндийн салбараа бэхжуулж, иргэдийн дархлааг л дэмжих хэрэгтэй!
Хариулах
66.181.190.130
2022/07/22
1
0
Эмч нар чинь бүгд авлигачин шүү энхболд сайд гуай. Авлигал өгөхгүй бол олигтой эмчилэхээ больсон байна лээ шүү дампуу ЭМЯ-аааа ???? !!!!!!!!!!!!!!!!!!!!
Хариулах
102.89.41.44
2022/07/22
0
0
Энэ нь олон нийтийн эрүүл мэндийн талаар урьдчилан мэдээлэх явдал юм Эмнэлэг нь ноцтой бөгөөд бөөрний хандивлагчдын эрүүл мэндийн тусламж үйлчилгээг яаралтай эрэлхийлж байгаа бөгөөд энэ нь 100 тэрбум долларыг 780,000 ам.доллараар бөөрөөр нь зарж байна. Хэрэв хэн нэг нь бөөрний хандив өгөх хүсэлтэй байгаа бол DR.PRADHAN.UROLOGIST .LT.COLGMAIL.COM хаягаар хандана уу. Та манай хамтран ажиллах вэбсайтыг http://www.drpradhan urologist.com сайтаас үзэж болно.
Хариулах
192.82.78.42
2022/07/22
1
0
Төр засаг нь өвчин байхгүй мэт авирлаж байхад яахав
Хариулах
203.23.199.221
2022/07/22
0
1
Замын цагдаа нар арай л үлээлгэж бна, халдвар хамгаалал гэж алгаа
Хариулах
66.181.160.88
2022/07/22
3
1
ХЯТАД ВАКЦИНЫ ДАРААХ ГИЙЕНА-БАРРЕ СИНДРОМ БУЮУ СААЖИХ ЭМГЭГ ИХСЭЖ БАЙНА.
Хариулах
202.21.107.98
2022/07/23
1
0
Эргүү малаа ямар ч шинжлэх ухааны бодитой зүйлгүй донгосч байх юм
Хариулах
202.179.27.59
2022/07/22
1
1
Вакцин хийлгэхгүй
Хариулах
202.21.107.98
2022/07/23
1
0
Өвдөөд хүндэрч үхнэ биз!!!
Хариулах
202.126.88.67
2022/07/22
1
0
Өө
Хариулах
202.126.90.153
2022/07/22
1
2
Гадаадаас ирэгчдийг шинжилгээтэй оруул сайдаа
Хариулах
192.82.86.62
2022/07/22
0
1
ямар эрт мэдээ вэ
Хариулах
64.119.20.33
2022/07/22
0
0
4 дэхь тунгаа 3 саод хамрагдсан нь яах юэ
Хариулах
Шинэ мэдээ
И.Мөнхжаргал: НҮБ-ын ЕНБД Андионо Гутеррешийн энэ удаагийн айлчлалыг манай улсын гадаад харилцааны бодлогын хүрээндэх томоохон амжилт хэмээн харж байна 9 цагийн өмнө
Хууль бусаар их хэмжээний үнэт эдлэл гаалийн хяналтын бүсээр оруулжээ 11 цагийн өмнө
Хилийн цэргийн 0277-р ангийн байлдагч толгойдоо хүнд гэмтэл авсны улмаас ухаангүй байна 11 цагийн өмнө
Эрдэнэбүрэнгийн УЦС-ын төслийн санхүүжилт, Гашуунсухайт-Ганцмод боомтын төмөр замын хил холболтыг эцэслэн тохирлоо 11 цагийн өмнө
ГХЯ: Хятадын талд нүүрс урт хугацаанд тогтвортой нийлүүлэх гэрээ байгуулахаар тохиролцлоо 11 цагийн өмнө
Хэрлэн, Ерөө, Хараа голуудын усны түвшин 5-15 см нэмэгдэх хандлагатай байна 12 цагийн өмнө
Ерөнхийлөгч У.Хүрэлсүхэд БНХАУ-ын Гадаад хэргийн сайд Ван И бараалхав 12 цагийн өмнө
Утаажилтын бүсээс 25 иргэнийг гаргаж, аюулгүй байдлыг ханган ажиллажээ 12 цагийн өмнө
Өнгөрсөн 24 цагт 923 хүн эдгэрсэн бол 13787 хүн хяналтад байна 13 цагийн өмнө
КОВИД-19: Улсын хэмжээнд 179 халдвар шинээр бүртгэгдлээ 13 цагийн өмнө
Ван И: Монгол Улс "Нэг Хятад" бодлогыг тууштай дэмжиж байгаагаа дахин нотолсон 13 цагийн өмнө
Ардын хүүгийн амиар халаасаа зузаалж байгаа “Цэргийн ангийн захирагч” нарыг нэгдсэн байдлаар шалгах ёстой 14 цагийн өмнө
Голд живж нас барсан цэргийн асуудалд 327-р ангийн удирдлагууд тайлбар хийхгүй гэлээ 14 цагийн өмнө
Жил дараалан цэрэг нас барсан 327-р ангийн захирагч Н.Цэцэнхүү цэргүүдийг ажилд зарж цалинг нь хувьдаа завшдаг гэв 14 цагийн өмнө
Хугацаат цэргийн алба хаагч живж нас барсан асуудлыг шалгаж байна 15 цагийн өмнө
Ховдын тарвас хортой гэх иргэдэд хандан О.Хангай байр сууриа илэрхийлжээ 15 цагийн өмнө
Өчигдөр согтуугаар тээврийн хэрэгсэл жолоодсон 114 жолоочийг илрүүлжээ 15 цагийн өмнө
Дэлхийн шатрын 44 дүгээр олимпиадад Монголын эмэгтэй баг 11, эрэгтэй баг 65 дугаарт жагсаж байна 15 цагийн өмнө
Ван И Гадаад харилцааны сайд Б.Батцэцэгтэй хэлэлцээ хийнэ 16 цагийн өмнө
Улаанбаатарт 24 хэм дулаан байна 16 цагийн өмнө