“Эрдэнэс Тавантолгой ХК”-ийн төрийн эзэмшлийн хувьцааны ногдол ашгаас Хөгжлийн банкны 117,2 тэрбумын өрийг төлнө

Засгийн газар Хөгжлийн банкнаас зээл авсан Төрийн өмчит компаниудын чанаргүй зээлийг улсын төсвөөс төлөх хувилбарыг ярилцаж байгааг зарим эх сурвалжууд хэлж байсан.

Хөгжлийн Банканд өртэй ТӨК-уудын нэг нь "Эрдэнэс Монгол" компани юм. Тус компани Хөгжлийн Банканд 155.5 тэрбум төгрөгийн өртэй. Тэгвэл үүнийг барагдуулахын тулд "Эрдэнэс Монгол" компанийн эзэмшлийн "Эрдэнэс Тавантолгой" компанийн хувьцаанд ногдох төрийн мэдлийн хувьцааны ногдол ашгаар зээлийг эргэн төлүүлэх шийдвэр гарчээ.

Энэ нь "Эрдэнэс Тавантолгой"-н 14.5%-ийн буюу иргэдийн эзэмшдэг 1,072 хувьцаатай хамааралгүй. Өөрөөр хэлбэл, төрийн эзэмшлийн 81.5%-ийн хувьцаанд хамаарах хуримтлагдсан ногдол ашиг буюу 117,2 тэрбум төгрөгийг Хөгжлийн банкны зээлийн төлбөрт шилжүүлэхээр болж тогтоол гарсан байна.