Соёлын өвийг хамгаалах ажил зөвхөн төрийн байгууллага, эрдэмтэн судлаачдын ажил биш, бүх нийтийн оролцоонд тулгуурладаг. Соёлын биет бус өвийг хамгаалах үйл ажиллагаа ч мөн ялгаагүй оролцогч талуудын идэвхтэй оролцоонд тулгуурлаж явагддаг. Соёлын биет бус өвийн оршин тогтнох чадварыг хамгаалахын тулд түүнд тодорхой давтамжтай үнэлгээ хийж байх ёстой, өөрөөр хэлбэл тухайн өвийн оршин тогтнох дархлаа хэр бүрдсэн байгаа вэ гэдэг дээр шинжээчид ажиллаж, дүгнэлт гаргах нь эрсдэлийг бууруулахад ихээхэн чухал ажил болдог гэж мэргэжлийн хүмүүс хэлдэг.
Соёлын өвийг хамгаалах түгээн дэлгэрүүлэхэд гол чухал үүрэг гүйцэтгэдэг Урианхай, Тува түмний соёлын өвийн өдрүүдийг Баян-Өлгий аймгийн Толбо сум, Толбо нуурын хөвөөнд амжилттай зохион байгуулж байна.
УИХ-ын гишүүн Ш.Адьшаа өөрийн цахим хуудсандаа "Урианхай, Тува түмний соёлын уламжлан тээгч бие биелээч, Туульч, цуурч, аман билигч, товшуурч, ихэл, хэл хуурч, уртын дуу, богинын дуу зэрэг 1000 гаруй соёлын биет бус өвийг өвлөн тээгчид оролцож урлагаар дамжуулан соёлоо сурталчилж байгаад туйлын их баярлаж байна." гэжээ.
Сэтгэгдэл (0)
Сэтгэгдэл бичигдээгүй байна