Ван И: Монгол Улс "Нэг Хятад" бодлогыг тууштай дэмжиж байгаагаа дахин нотолсон

М.Ариунжаргал
2022/08/08

Манай улсад албан ёсны айлчлал хийж буй БНХАУ-ын Гадаад хэргийн сайд Ван И, Монгол Улсын Гадаад харилцааны сайд Б.Батцэцэг нар хэлэлцээ хийж, баримт бичгүүдэд гарын үсэг зурлаа. Үүнийхээ дараа тэд хамтарсан мэдэгдэл хийв.

Б.Батцэцэг: -БНХАУ-ын Төрийн зөвлөлийн гишүүн, Гадаад хэргийн сайд, эрхэмсэг ноён Ван Итэй Монгол, Хятадын найрсаг харилцаа, хамтын ажиллагаа, иж бүрэн стратегийн түншлэлийн түвшний өргөн хүрээтэй асуудлуудаар хэлэлцээ хийж, санал солилцлоо. Ван И сайдтай хийсэн хэлэлцээний үеэр эдийн  засгийн болон бүтээн байгуулалтын томоохон төсөл хөтөлбөрүүдийн хэрэгжилтийг эрчимжүүлэх, хилийн боомтуудын үйл ажиллагааг өргөжүүлэх зэрэг асуудлаар ярилцлаа. Хилийн боомтыг төмөр замаар холбож, шинэ гарц бий болгосноор уул уурхайн бүтээгдэхүүний экспорт урт хугацаанд тогтвортой байх нөхцөл бүрдэнэ. Эрдэнэбүрэнгийн УЦС-ын бүтээн байгуулалтыг эрчимжүүлэхээр тохиролцлоо. Хоёр улсын худалдааны эргэлтийг 10 тэрбум ам.долларт хүргэх зорилтыг 2021 онд хэрэгжүүлснийг тэмдэглэж, цаашид худалдааг нэмэгдүүлэх боломжтой гэж үзлээ.

Гашуунсухайт-Ганц мод боомтыг төмөр замаар холбох асуудлыг эцэслэн тохиролцож, Хятадын талд нүүрс урт хугацаанд тогтвортой нийлүүлэх гэрээ байгуулахаар боллоо. БНХАУ-ын далайн боомтуудаас Монгол Улсыг зорих галт тэрэгний нэг өдрийн цувааны тоог тогтмолжуулах, Зам-Үүд-Эрээн боомтын галт тэрэг солилцоог нэмэгдүүлэхээр ярилцлаа. Мөн "Тэрбум мод" үндэсний хөдөлгөөний хүрээнд төсөл хөтөлбөр хамтран хэрэгжүүлэхээр боллоо. 

Хүмүүнлэгийн салбарын хамтын ажиллагааны хүрээнд БНХАУ-д суралцаж буй оюутнуудыг үргэлжлүүлэн тахимаар хичээллүүлэхээр тохиролцож, иргэдийн харилцан зорчих хөдөлгөөнийг хялбаршуулан сэргээхээр ярилцлаа. 

Ван И: -Хоёр жилийн дараа талын Монгол Улсад айлчилж байгаадаа баяртай байна. Улаанбаатар хот өөрчлөгдөн шинэчлэгдэж байгааг харах таатай байна. Мөн Монгол Улсын их тал нутгаас эрч хүч мэдэрлээ. Монгол Улсын гаргаж буй ахиц дэвшилд баяртай байна. Талууд хоёр улсын тусгаар тогтнол, бүрэн эрхт байдал, нутаг дэвсгэрийн бүрэн бүтэн байдлыг харилцан хүндэтгэхээ дахин нотолсон. Бие биеийн язгуур эрх ашгийг харилцан хүндэтгэж байна. БНХАУ төрийн тогтвортой байдал, хөгжилд дэмжлэг үзүүлэхэд бэлэн байна. Монгол Улс "Нэг Хятад" бодлогыг тууштай дэмжиж байгаагаа дахин нотолсон. Тайвань, Шинжаан, Төвөд, Хонконг зэрэг Хятадын дотоодын хэрэгт бусад улс орон хөндлөнгөөс оролцохыг эсэргүүцэж байгаад талархаж байна.

Гашуунсухайт-Ганц модны боомтыг төмөр замаар холбох хэлэлцээрт гарын үсэг зурлаа. Энэ нь Монгол Улсын хөгжилд томоохон ахиц авч ирнэ гэж бодож байна.


24
angry
0
care
4
haha
27
liked
5
love
3
sad
2
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Гэр бүлийн хүчирхийллийн гэмт хэргийн улмаас 16 хүн нас баржээ 21 цагийн өмнө
Богд хааны ордон музей “Бат-Оршил ба ховор цуглуулгууд” үзэсгэлэн дэлгэжээ 22 цагийн өмнө
Н.Энхболд: Монгол өв соёлоо тээж, жороо морио унах дуртай 22 цагийн өмнө
Д.Төмөрхүлэг: Үндэсний бөхөөр барилдах дуртай. Хаана наадам болно тэнд очоод барилддаг даа 22 цагийн өмнө
Ерөнхий сайдын дэргэд Хүчирхийллийн эсрэг үндэсний хороо байгуулж, иргэний нийгмийн төлөөллийг хамтарч ажиллахыг урилаа 23 цагийн өмнө
Өнөөдөр Алтай, Хангайн уулархаг нутгаар бороо орно 23 цагийн өмнө
​ “GS25” сүлжээ дэлгүүр 2497 ажилчдынхаа дунд “Rise Together 2025” уралдааныг зохион байгуулжээ Өчигдөр
Энхтайваны өргөн чөлөөний хэсэгчилсэн засварын хүрээнд өнөөдрөөс зам хаана Өчигдөр
Пи Си Молл ХХК "ТОП 100 аж ахуйн нэгж"-ийн дахин шалгарлаа Өчигдөр
Толгойтын спорт цогцолборын барилгын ажил 75 хувьтай байна Өчигдөр
​“Нэткапитал Финанс Корпораци” Монгол Улсын ТОП 100 ААН‑ийн нэгээр шалгарч, салбартаа тэргүүллээ Өчигдөр
Ерөө голд нэг иргэн живж, амиа алджээ Өчигдөр
ТБХ:Монгол Улсын 2025 оны төсвийн тодотголын төслүүдийн гурав дахь хэлэлцүүлгийг хийлээ Өчигдөр
Улаанбурхан өвчний тохиолдол 14 мянгыг давжээ Өчигдөр
Түгээмэл тархацтай ашигт малтмалын тухай хуульд нэмэлт, өөрчлөлт оруулах тухай хуулийн төсөл өргөн мэдүүллээ Өчигдөр
​Алдарт Yoshinoya сүлжээ тав дахь салбараа ITC төвд нээлээ Өчигдөр
Ц.Оюунсүрэн: Миний хань О.Гантулга, дүү Ц.Содномдоржтой улсын наадамд хоёр удаа таарч барилдсан Өчигдөр
Дуу цахилгаантай бага зэргийн аадар бороо орно Өчигдөр
​ Шинэ хоршоо хөдөлгөөнд хамрагдсан малчид улсын төсөвт 500 гаруй сая төгрөгийн татварын орлого төвлөрүүлсэн байна 2025/07/03
Имарт (Скай Хайпермаркет ХХК) Монгол Улсын ТОП-100 аж ахуйн нэгжээр дахин шалгарлаа 2025/07/03