Цахим системээр бүртгэх учраас эцэг, эхчүүд хичээл эхлэхээс өмнөх хаяг бүртгэлийн асуудалдаа онцгой анхаарах хэрэгтэйг Боловсрол, шинжлэх ухааны сайд Л.Энх-Амгалан сануулав.
Тэрбээр "Бид өмнө нь сугалааны цэцэрлэгийн тогтолцоонд шилжчихээд байсан шалтгаан нь иргэдийн бүртгэлийн асуудалтай холбоотой байсан.
Тодруулбал, улсын бүртгэл, хороо, статистик дээрх тоо болон нийслэлийн Боловсролын газар, БШУЯ дээр байдаг бүх тоо хоорондоо зөрүүтэй. Бид малаа тоолж чаддаг мөртлөө хүнээ тоолж чаддаггүй гэдэг нь үүнээс харагдаж байна.
Өөрөөр хэлбэл, иргэд тухайн амьдарч байгаа хаяг дээрээ шилжилт хөдөлгөөнөө хийдэггүй эсвэл түр оршин суудаг олон иргэн байдаг юм байна. Урьдчилсан тооцоогоор 12,000 орчим хүүхэд нүүж, шилжээд яваад байна. Эсвэл гэр хорооллоос орон сууцанд орсныхоо дараа хаягаа шилжүүлэлгүй, хуучин хаягаараа явсаар байгаа юм. Үүнээс болж маш их хүндрэл үүсдэг.
Тиймээс асран хамгаалагчид есдүгээр сарын 1-н гэхэд бүртгэлийн асуудлаа шийдэж, оршин суугаа хаяг дээрээ бүртгэлээ хийлгэж, хаягжилтаа цэгцлэхийг хүсье.
И-Монголиа цахим системээр бүртгэх учраас бүртгэлийн ийм асуудалдаа онцгой анхаарах хэрэгтэй" гэсэн юм.
Сэтгэгдэл (0)
Сэтгэгдэл бичигдээгүй байна