Элчин сайд Ө.Батбаяр Нийслэлийн гэр бүл, хүүхэд, залуучуудын хөгжлийн газрын "Шилдэг Хүүхэд" алтан медалийг АНУ-ын Виржиниа мужийн Фэйрфакс хотод оршин суугаа 8 дугаар ангийн сурагч Д.Эрдэм хүүд гардуулсан байна.
Д.Эрдэм нь Австри Улсад болсон Моцартын нэрэмжит олон улсын төгөлдөр хуурын тэмцээнээс алтан медальтай дөнгөж ирээд байгаа юм. Мөн түүнчлэн тэрээр олон улсын математикийн олимпиадын 3 алт, 2 мөнгө, "Spelling Bee" тэмцээний 5 удаагийн аварга, олон улсын төгөлдөр хуурын тэмцээний 3 алт, 2 мөнгөн медальтай бөгөөд Морин хуурын тэмцээний хүрэл, Хурдан уншлагын тэмцээний 1-р байрын шагнал хүртэж олон амжилтын эзэн болоод байгаа билээ.
Д.Эрдэмдээ харь нутагт Монгол Улсынхаа нэрийг өндөрт өргөж яваад нь талархал илэрхийлж, амжилт хүсье.
Эх сурвалж: Монгол Улсаас АНУ-д суугаа Элчин сайдын яам
Сэтгэгдэл (0)
Сэтгэгдэл бичигдээгүй байна