Mercedes болон Geely-ийн хамтарч бүтээсэн Smart цахилгаан автомашин 2022 онд олон улсад нээлтээ хийнэ

Дэлхийн томоохон автомашины групп болох Mercedes-Benz-ийн толгой компани /Daimler AG/ болон Volvo-гийн толгой компани болох /Geely Holding Group/ нь 2020 онд хамтарсан компани байгуулснаа зарласан. Тэгвэл хамтарсан компани болох "Smart Automobile Co., Ltd." нь Smart нэртэй цахилгаан автомашин үйлдвэрлэх ба тус машин нь аюулгүй байдлын үнэлгээний 5.0-аас 4.0 үнэлгээтэй байгаа нь  томоохон автомашин үйлдвэрлэгчдийн дунд дээгүүр байранд орж байна.

Geely нь Daimler AG-н том хөрөнгө оруулагчдын нэг бөгөөд дэлхий нийтийн тулгамдсан асуудал болох агаарын бохирдлыг бууруулахад эерэг нөлөө үзүүлэх утаагүй  цахилгаан автомашиныг үйлдвэрлэж эхэлсэн байна. Түүнчлэн Mercedes-Geely хамтран цахилгаан автомашиныг шинэ түвшинд хүргэн хөгжүүлэхээр зорин ажиллаж байна. Өөрөөр хэлбэл хүн бүрийн хэрэгцээ шаардлагад нийцсэн чанартай цахилгаан автомашиныг хэрэглэгчдэд хямд үнээр нийлүүлж чадахаараа онцлог байгаа юм.

Тус автомашины загварыг Mercedes харин аюулгүй байдал болон инженерийн шийдлийг Geely хөгжүүлсэн байна. Ингээд 2022 онд дэлхий нийтээрээ цахилгаан автомашинаа худалдаанд гаргах төлөвлөгөөтэй байгаа бөгөөд олон нийтийн дунд их хүлээлт үүсгээд байгаа юм.

Зүүн талаас: An Conghui (Geely Holding ерөнхийлөгч), Liu Jinliang (Geely групп компани ерөнхийлөгч), Jörg Lamparter (Daimler Financial Services AG Mobility Services дарга), Klaus Entenmann (Daimler Financial Services AG Гүйцэтгэх захирал

Mercedes-Geely нь хамтарсан компанийнхаа төв үйлдвэрээ дэлхийн томоохон автомашины зах зээл болох Хятад улсад барьсан.

Түүнчлэн, Mercedes болон Geely нар цахилгаан Smart машиныг европ болон дэлхийн зах зээлд хурдацтай өсөж байгаа B сегментийн /жижиг автомашин/ машин болгон хөгжүүлж байгаа. Энэ нь зах зээлд буй  Peugeot e-208, Renault ZOE болон Volkswagen ID.3 зэрэг цахилгаан автомашинуудад томоохон өрсөлдөгч болохоор харагдаж байна.

Mercedes Benz, Geely-тэй хамтран ажиллаж байгаа талаар та ямар бодолтой байна вэ? Бидэнтэй https://www.facebook.com/Geely... саналаа хуваалцаарай...

Холбоос дээр дарна уу --- https://www.facebook.com/Geely...