Л.Оюун-Эрдэнэ: Хөшигийн хөндийд шинэ хот цогцлоох их бүтээн байгуулалтын инженерийн дэд бүтцийн ажлыг эхлүүлж байна

" class="publish__avatar">
М.Төгөлдөр
2022/08/12

Хөшигийн хөндийд шинэ хот байгуулж, эдийн засгийн төрөлжсөн бүс байгуулах их бүтээн байгуулалтын ажлыг эхлүүлж байгаатай холбогдуулан Монгол Улсын Ерөнхий сайд Л.Оюун-Эрдэнийн хэлсэн үгийг бүрэн эхээр нь хүргэж байна.

Эрхэм Монгол ахан дүүсээ,

Хүндэт Баялаг бүтээгчид, олон улсын хөрөнгө оруулагчдаа!

Монгол Улс өнөөдөр “Шинэ сэргэлтийн бодлого”-ын хүрээнд Хөшигийн хөндийд шинэ хот байгуулж, эдийн засгийн төрөлжсөн бүс байгуулах их бүтээн байгуулалтын ажлыг эхлүүлж байгаагаа зарлаж байна.

Газрын дээрх шинэ хотыг сүндэрлүүлэхийн тулд газар доорх инженерийн дэд бүтцийн асуудлыг бүрэн шийдвэрлэх учиртай. Тийм ч учраас Монгол Улсын Засгийн газраас манлайлал үзүүлж, Хөшгийн хөндийн дэд бүтцийн асуудлыг бүрэн шийдвэрлэж, Засгийн газрын байгууллагуудыг үе шаттайгаар Хөшгийн хөндийд нүүлгэн шилжүүлэх шийдвэр гаргасныг дуулгахад таатай байна.

Хөшгийн хөндийд баригдсан шинэ онгоцны буудлын бүтээн байгуулалт, дэд бүтэц, зураг төслийн ажил бүрэн дуусч, газар шорооны ажил эхлэхэд бэлэн болсон Богдхаан төмөр замын бүтээн байгуулалт зэрэг олон давуу тал Хөшгийн хөндийд сүндэрлэх шинэ хот уруу хөрөнгө оруулалт эрчимтэй татагдах соронзон орон үүсгэж чадна гэдэгт итгэлтэй байна.   

Монголчууд бид өмнө нь Дархан, Эрдэнэт, Багануур, Налайх, Бор-Өндөр, Чойбалсан зэрэг аж үйлдвэрийн олон хотыг сүндэрлүүлж чадсан түүхтэй. Харамсалтай нь,  өнгөрсөн 30 жилийн хугацаанд нэг ч шинэ суурьшлын бүс, шинэ хотыг байгуулж чадаагүй нь бодит үнэн билээ.

Урт хугацаагаар системтэй төлөвлөж чадаагүйгээс, засаглалын хэт тогтворгүй байдлаас, бодлогын залгамж чанар алдагдсанаас, сонгуулиас сонгуулийн хооронд хоосон хүлээлт үүсгэсэн бодит биш амлалтуудаас үүдэж, монголчууд бид өнөөдөр 1 хүнд ногдох газар нутгийнхаа хэмжээгээр дэлхийд нэгт жагсдаг ч нийт газар нутгийн 0.3 хувийг эзэлдэг нийслэл Улаанбаатар хотдоо төвлөрөн амьдарч байна.

Их, дээд сургуулиудын 90, худалдаа үйлчилгээний 86, нийт хадгаламжийн 81, бүртгэлтэй аж ахуйн нэгжүүдийн 76 хувь нийслэлд төвлөрч, Дотоодын нийт бүтээгдэхүүний 65 хувийг Улаанбаатар хот дангаараа үйлдвэрлэдэг болсон байна.

Жил бүр дунджаар нэг аймгийн оршин суугчидтай дүйцэх хэмжээний хүн ам нийслэлд шилжин суурьшиж, 70-80 мянга гаруй авто машин замын хөдөлгөөнд шинээр нэмэгдэн орж байна. Нэг үгээр хэлбэл, Монгол Улс нэг хот-улс болжээ.

Суусан хотоо алхаатай хот болгож, хот хөдөөгийн тэнцвэрт хөгжлийг бий болгох “Шинэ сэргэлтийн бодлого”-ын дагуу өнөөдөр Хөшигийн хөндийд шинэ хотыг цогцлоох ажлыг ийнхүү эхлүүлж байна. Цаашид ч Дархан-Уул, Орхон, Өмнөговь, Өвөрхангай аймагт, Нийслэлийн захын дүүрэг болох Багануур, Налайхыг түшиглэсэн шинэ суурьшлын бүсүүдийг Засгийн газар бодлогоор дэд бүтцийн асуудлыг шийдвэрлэж, хувийн хэвшил, олон улсын хөрөнгө оруулалтыг татах эрхзүйн орчныг бүрдүүлэх болно.

Хөшигийн хөндийн энэхүү бүтээн байгуулалт зөвхөн шинэ суурьшлын бүс төдийгүй Эдийн засгийн тусгай бүс, тээвэр логистикийн бие даасан зангилаа хот болон хөгжих бүрэн боломжтойг өнгөрсөн нэг жилийн хугацаанд хийсэн судалгаа нотолж байна.

Монгол Улсын Засгийн газраас дэвшүүлсэн “Шинэ сэргэлтийн бодлого” бол хоосон зорилт биш юм аа. “Шинэ сэргэлтийн бодлого” бол бодит төслүүд юм. Нэг үгээр хэлбэл, эхлэх, дуусах хугацаатай, хөрөнгө оруулалтын үнэлгээтэй, тооцоо судалгаанд үндэслэсэн Прагматик бодлого юм. Бид улс үндэстнээрээ популист хандлагаас прагматик шийдэл уруу орох цаг болжээ. 

Хэдийгээр дэлхий нийтээр цар тахалтай, дайн тулаантай, хүйтэн дайны нөхцөл байдал эргэн сэргэсэн амаргүй цаг үе боловч “Шинэ сэргэлтийн бодлого” бодитой хэрэгжиж байна. Энэ хүрээнд Боомтын сэргэлт эрчимжиж, Монгол Улс төмөр замын экспортын 4 шинэ гарцтай болох их бүтээн байгуулалтын ажил ид өрнөж байна. Боомтуудыг авто замаар холбох ажил ч жигдэрч, улс орны өнцөг булан бүрт энэ  бүтээн байгуулалтын ажил эхлэлээ. Эрчим хүчний сэргэлтийн хүрээнд Эрдэнэбүрэнгийн усан цахилгаан станцын ажил эхлэхэд бэлэн болж, Эгийн голын усан цахилгаан станцыг эхлүүлэх бэлтгэл ажил эрчимжиж байна. Оюутолгойн гүний уурхайн бүтээн байгуулалт графикийн дагуу өрнөж, гадаад харилцаа идэвхжиж, хөрөнгө оруулагчдын сонирхол илт сэргэж байна.

Өнөөдөр Та бид хамтдаа “Шинэ сэргэлтийн бодлого”-ын Хот хөдөөгийн сэргэлтийн зорилтын хүрээнд Хөшигийн хөндийд шинэ хот цогцлоох их бүтээн байгуулалтын инженерийн дэд бүтцийн ажлыг эхлүүлэх түүхэн мөчийн гэрч болцгоож байна. 

Монголчууд бид эвлэлдэн нэгдэж, ирээдүйн хөгжлийн төлөө бүх хүч, мэдлэг, авьяас чадвар, хөдөлмөр зүтгэлээ зориг бадрангуй зориулна гэдэгт итгэл төгс байна.

“Шинэ сэргэлтийн бодлого”-оо бүх нийтээрээ манлайлан хэрэгжүүлж,

Монгол Улс мандан бадрах болтугай!


0
angry
0
care
2
haha
16
liked
1
love
0
sad
1
wow

Сэтгэгдэл (13)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.160.32
2022/08/15
4
0
жил болгон нэг их сүртэй нээлтүүд хийгээл жүжиг тавьж попроно, яг бодит хэрэгжсэн зүйл байна уу. нөгөө богд уулын төмөр зам нь хаана байна, гэтэл тэр элийрэлд 40 гаран тэрбумыг аль хэдийн хэдэн хулгайч нь хуваагаад идчихсэн байгаа, яармагийн газрыг хятадуудтай нийлж хувааж авч байгаа шинэ хотын төв болгоно гээд эргүүлээд төр нь үнэгүй олгосон газраа асар өндөр үнээр худалдаж авч байгаа, хөшигийн хөндий ч мөн адил МАН-ы хулгайчууд хэдэн зуун га-р нь авчаад одоо үнэ хүргэж төрд зарж мөнгө угааж байгаа. ямар ацных нь шинэ хот байхавдээ.
Хариулах
124.158.90.3
2022/08/15
0
0
Үйлдвэр барих ухаан энэ нөхөрт байдаггүй даан ч аз муутай ард түмэн минуу зээ,Баялаг бүтээх юмсан ,Уучлаараа ерөнхий сайдаа та ядаж ганц үйлдвэрийн хаалга нээж тууз хайчлаад Монголын төрөөс яваач байгаа хотууд чинь даан ч ,,,, одоо шинэ юмаар ч дээ,,,таньд амжилт хүсье
Хариулах
202.131.251.66
2022/08/14
0
0
төв аймагт газар хулгайлж авсан лгайчууд алгаа үрээд улсаар бүх дэд бүтцээ шийдүүлж үнэгүй авсан газраа хэдэн зуу дахин өсгөж байна даа
Хариулах
202.9.46.146
2022/08/13
0
0
Чиг баримжаа зөв,эхэлэлт зөв,явц хэрэгжилтэд учир дутагдал байна,энэ нь хулгай авилгал,хариуцлагүйн зуд нүүрэлсэн үүд нээлттэй хэвээр байлгах гэсэн асар их сөрөг хар хүч байсаар байгаатай холбоотой.Намд ,төрд, Их хуралд цэвэрлэгээ хий,хариуцлага тооц.Эх оронч чадварлаг хүмүүсээр аппаратаа бэхжүүл.Бүү шантар,ард түмний гол хэсэг тантай хамт.ТАМИНЭЭ ЭНЭ ХҮНИЙГ ДЭМЖИЖ БАЙДЛАА ДЭЭРДҮҮЛЖ ЖААХАН ЯС АМРАХ ЮМСАН.
Хариулах
66.181.180.138
2022/08/13
0
0
Налайхад 7 сарын 18-нд эхэлсэн 50 метр шугамын ажил өнөөдөр ч дуусаагүй байхад гуцна биз
Хариулах
213.87.89.16
2022/08/13
0
0
Хамгийн сайн тавтай морилно уу секс болзоо сайт --- www.Hot24.pw
Хариулах
59.153.113.228
2022/08/12
0
0
Дарханы зам сэг ... Хотын зам нүх...
Хариулах
103.26.194.190
2022/08/12
0
0
Улс төрчихгүй ,эх орон,ард түмнээ бодох цаг болсон шүү. Амжилт хүсьe.
Хариулах
202.126.89.151
2022/08/12
0
0
Зам харгуйгаа засаад ажлын байр орон сууцыг нь бариад өгвөл хэн наашаа ирэх гээд байх бэ.
Хариулах
66.181.191.211
2022/08/12
0
0
Шоу гэж
Хариулах
66.181.179.153
2022/08/12
1
0
Оюун-Эрдэнэ сайд аа Хүүхэд залуучуудад зориулсан усан парк цогцолборыг барьж чадахгүй хуурч орон сууц барьж байна. Дарханы 200 км замаа барьж чадахгүй олон хүний эд хөрөнгө эвдэж сүйдсэн. Урд ажлаа цэгцлээч дээ.
Хариулах
66.181.161.49
2022/08/13
0
0
ЗАСГИЙН БОДЛОГОО ДЭМЖИЖ САЙН САЙХНЫГ ЕРӨӨЦГӨӨЕ. ДАНДАА ХАРЛУУЛАХ ТАЛААС БИТГИЙЙ ХАНДААЧ. АТААРХСАН ХОРССОН ХҮМҮҮС Л ИЙН БИЧИЖ БГАА ЮМ
Хариулах
66.181.179.153
2022/08/12
0
0
f
Хариулах
Шинэ мэдээ
Д.Амарбаясгалан: WADA-гийн хурлаар манай улс "Ажиглалтын жагсаалт"-д орлоо 7 цагийн өмнө
“Дорнодын шинэ сэргэлт” хөрөнгө оруулалтын чуулган эхэллээ 7 цагийн өмнө
Автомашингүй өдөр: Нийтийн тээврийн 42 чиглэлд өөрчлөлт оров 11 цагийн өмнө
Д.Мөнх-Эрдэнэ нарт холбогдох хэргийг хяналтын шатны шүүхээр хэлэлцүүлэхээс татгалзлаа 11 цагийн өмнө
Баянзүрх дүүрэгт гарааш буулгасан 38 байршлыг иргэдийн хүсэлтэд тулгуурлан тохижуулжээ 12 цагийн өмнө
Өнөөдөр 12 зах, худалдааны төв ажиллахгүй 12 цагийн өмнө
Сургуулийнхаа цайны газарт мантуун бууз идээд хордлогод орсон гэх мэдээлэлд мөрдөн шалгах ажиллагаа явуулж байна 12 цагийн өмнө
“Арвайхээр сумын дулааны станцын өргөтгөл, шинэчлэл” төслийг ирэх оны улсын төсөвт тусгана 12 цагийн өмнө
“Найман ишигний” гэх хэргийн шүүх хурал товлогджээ 12 цагийн өмнө
Өнөөдөр "Автомашингүй өдөр" 12 цагийн өмнө
Ихэнх нутгаар бороо, нойтон цас орно 12 цагийн өмнө
МАН хүчээ нэгтгэсэн бол Б.Пунсалмаа хүч тэнцвэржүүлнэ Өчигдөр
Иргэн: Хурдтай явсан приус машин охидыг мөргөж гарцан дээр зогссон машин руу охид хавсрагдаад шидэгдчихсэн Өчигдөр
Охидын дайруулсан гарцан дээр хурд сааруулагч байршуулна Өчигдөр
Кабель утас үйлдвэрлэдэг, жамц давс зөөдөг компаниуд эрүүл мэндийн салбарын цахимжилтыг гацаажээ Өчигдөр
Ар гэр нь: Өсвөр насны хөвгүүд нэгнийгээ шатаана гэж юу гэсэн үг юм бэ,​ дүү маань ярьж чадахгүй сахиуртай байгаа Өчигдөр
Ж.Сүхбаатар: Согтуу жолоочид хатуу хариуцлага оногдуулахаар хуулийг өөрчилнө Өчигдөр
Гэр хорооллыг хөгжүүлэх замаар агаарын бохирдлыг бууруулах боломжтой Өчигдөр
“Автобусны буудал ойрхон бол гоё, нохой дайрахаар агаа намайг хамгаалж чулуу шиддэг” Өчигдөр
​ БНСУ: Мандал сумын орлогч дарга Л.Мөнхбатад БНСУ-ын шүүхээс 5 жилийн хорих ял оноолоо Өчигдөр