Дархан-Улаанбаатар чиглэлийн авто замын тендертэй холбогдуулан ЗТХЯ-ны нэр бүхий албан тушаалтны ажлын өрөө болон гэрт нь зэрэг 30 гаруй оббъектод нэгжлэг хийж байна.
Өнөөдөр тус яамны ажлын өрөөнд нь нэгжлэг хийсэн. Энэ үеэр АТГ-ын хэвлэл мэдээлэл, олон нийттэй харилцах газрын ажилтан Н.Тэмүүлэн дараах мэдээллийг өглөө.
Тэрбээр “ АТГ-аас хуулиар хүлээсэн чиг үүргийнхээ хүрээнд Дарханы замын тендер сонгон шалгаруулалтын асуудлаар хэрэг бүртгэлийн хэрэг нээж, холбогдох албан тушаалтнуудыг шалгаж эхэлсэн. Яг одоо ЗТХЯ-ны албан тушаалнуудын орон байр бусад шаардлагатай 30 объектод нэгжлэг явуулж байна. Албан тушаалтнуудын нэрсийн талаарх мэдээлэл өгөх боломжгүй. Шалгалтын ажил эхэлж байгаа учраас дэлгэрэнгүй мэдээлэл өгөх боломжгүй. Прокурорын зөвшөөрсөн хэмжээнд мэдээллийг өгөх учиртай. Хэрэгт ач холбогдол бүхий баримт сэлт байгаа гэж үзэж байгаа учир нэгжлэг хийж байгаа юм. Тендер сонгон шалгаруулалттай холбоотой бүх албан тушаалтнуудыг шалгаж байна" гэлээ.
Сэтгэгдэл (0)
Сэтгэгдэл бичигдээгүй байна