Зүүн Өмнөд Азийн бүс нутагт нэр хүнд бүхий “Тайландын олон улсын кино наадам”-д (International Thai Film Festival) найруулагч Д.Баттөмөрийн “Трио” кино шилдэг 30 киноны тоонд орж, тус наадмын шагналт байранд өрсөлдөхөөр болоод байна.
“Трио” кино нь “Хэнийг ч ардаа бүү үлдээ” гэсэн утга санааг агуулж, дауны хам шинжтэй хүмүүсийн эрхийг хамгаалах, эрх тэгш хүртээмжтэй нийгмийг цогцлоохыг уриалсан уран бүтээл бөгөөд Монголын дауны холбооны тэргүүн В.Ганзоригийн дэмжлэгтэйгээр Польш, АНУ болон бусад улсын кино наадамд мөн амжилттай оролцож байгаа юм.
Олон улсын Тай киноны наадмын шагналт байрын сонгон шалгаруулалт энэ оны есдүгээр дүгээр сарын 15-наас 19-ний өдөр цахим хэлбэрээр явагдана.
Уг кино наадамд Солонгос, АНУ, Япон, Итали, Англи, Франц, Люксенбург, Польш, Хятад, Бразил, Филиппин, Малайз, Украйн, Энэтхэг, Тайланд, Орос, Израилийн кино өрсөлдөхөөс Монгол кино найруулагч, уран бүтээлчид шилдгийн шилдгийн төлөө олон улсын урлагийн дэмжээн дээр өрсөлдөх эрхээ авлаа.
Сэтгэгдэл (0)
Сэтгэгдэл бичигдээгүй байна