Монголд үнэт цаас үйлдвэрлэх зөвшөөрөлтэй зургаан компани байна

Ц.Цэрэнбадам

2022/10/13

Засгийн газар болон бусад эрх бүхий этгээдээс гаргасан өрийн бичиг /бонд/, компанийн бүх төрлийн хувьцаа, компанийн гаргасан, эсвэл гаргахаар санал болгож буй хувьцааг худалдах, худалдан авах эрхийн бичиг, хөрөнгө оруулалтын сангийн хувьцаа зэргийг нийтэд нь үнэт цаас гэж нэрлэдэг. Өөрөөр хэлбэл үнэт цаас гэдэг нь таныг тодорхой хэмжээний хөрөнгө оруулалт хийсэн юм уу зээл олгосон гэдгийг гэрчлэх баримт юм. Үнэт цаас нь банкны хадгаламжийг бодвол ашиг, эсрдлийн түвшин нь харьцангуй өндөр байдаг бөгөөд худалдах, бэлэглэх зэргээр бусдад шилжүүлэх боломжтой байдгаараа онцлогтой.

Монгол Улсын үнэт цаасны зах зээл дээр бонд болон хувьцаа гэсэн хоёр төрлийн үнэт цаас арилжаалагдаж байна. Эдгээр үнэт цаасыг үйлдвэрлэх зөвшөөрлийг дараах байгууллагууд эзэмшиж байна.

Компанийн нэр	Хүчинтэй хугацаа
Монголын үнэт цаас хэвлэл ххк	2023-04-14
Очирпресс	2024-01-19
Соёмбо принтинг ххк	2023-04-19
Таван богд менежмент ххк	2023-04-14
Титан интернэйшнл ххк	2023-06-14
Үндэсний үнэт цаас ххк	2023-04-14

Үнэт цаас үйлдвэрлэх тусгай зөвшөөрлийг Сангийн яам олгодог бөгөөд тус яамнаас олгосон тусгай зөвшөөрлийн талаар дэлгэрэнгүй мэдээллийг цахимаар үзэн, шинээр хүсэлт гаргах бүрэн боломжтой юм. Цахим хаяг: https://license.mn/

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна