Шатахууны бөөний худалдаа эрхлэх зөвшөөрөл авахад ямар матерал шаарддаг вэ?

Уул уурхай, хүнд үйлдвэрийн яамны тусгай зөвшөөрлүүдийг цахимаар хүсэлт гарган авах боломж бүрдлээ.  Тус яамнаас олгодог, Бүх төрлийн шатахууны бөөний худалдаа эрхлэх зөвшөөрлийг зөвхөн аж ахуй нэгж байгууллагад олгох бөгөөд зөвшөөрөл хүсэгч дараах материалыг бүрдүүлэх шаардлагатай.

Бүх төрлийн шатахууны бөөний худалдаа эрхлэх зөвшөөрөл шинээр авах

• Холбогдох мэргэжлийн холбооны гишүүн хуулийн этгээд болохыг нотлох баримт
• Өөрийн эзэмшлийн агуулахын үл хөдлөх эд хөрөнгийн гэрчилгээ эсхүл хүчин төгөлдөр түрээсийн гэрээ
• Газрын тосны асуудал эрхэлсэн төрийн захиргааны байгууллагаас олгосон бүртгэлийн гэрчилгээ
• Газрын тосны асуудал эрхэлсэн төрийн захиргааны байгууллагаас тухайн агуулахад гаргасан техник, технологийн дүгнэлт
• Хуулийн этгээдийн дүрэм /Хамгийн сүүлийн байдлаар улсын бүртгэлийн байгууллагаар баталгаажуулсан байна/
• Гадна орчны камержуулалтын талаарх цагдаагийн байгууллагын тодорхойлолт
• Улсын тэмдэгтийн хураамж төлсөн баримт

Бүх төрлийн шатахууны бөөний худалдаа эрхлэх зөвшөөрөл сунгуулах

• Холбогдох хууль болон энэхүү журмаар хүлээсэн үүргээ хэрхэн биелүүлж байсан талаарх газрын тосны асуудал эрхэлсэн төрийн захиргааны байгууллагын тодорхойлолт
• Улсын тэмдэгтийн хураамж төлсөн баримт /50 сая төгрөг/
• Өөрийн эзэмшлийн агуулахын үл хөдлөх хөрөнгийн гэрчилгээ, эсхүл хүчин төгөлдөр түрээсийн гэрээ
• Газрын тосны асуудал эрхэлсэн төрийн захиргааны байгууллагаас олгосон бүртгэлийн гэрчилгээ
• Газрын тосны асуудал эрхэлсэн төрийн захиргааны байгууллагаас тухайн агуулахад гаргасан техник, технологийн дүгнэлт