Улаанбаатар-Дархан чиглэлийн авто замын төслийн үндсэн ажлууд 2022 оны 10 дугаар сарын 30-ны өдөр дуусгана

Ц.Цэрэнбадам
2022/10/24

Зам, тээврийн хөгжлийн сайд С.Бямбацогт Европын сэргээн босголт, хөгжлийн банк /ЕСБХБ/-ны Төв Ази, Монголыг хариуцсан бүсийн захирал Сузанна Харгитайг хүлээн авч уулзан зам, тээврийн салбарт ЕСБХБ-тай хамтран хэрэгжүүлж буй томоохон төсөл болох Улаанбаатар-Дархан чиглэлийн авто замыг өргөтгөн шинэчлэх ажлын гүйцэтгэлийн явц байдал, шийдвэрлэх шаардлагатай тулгамдаж буй асуудлууд болон ирээдүйд хэрэгжүүлэх ЕСБХБ-ны санхүүжилтээр хэрэгжүүлэх боломжтой төслүүдийн талаар ярилцлаа.

Улаанбаатар-Дархан чиглэлийн авто замыг 4 эгнээ болгон өргөтгөх бүтээн байгуулалтын ажлын шинээр 2 эгнээ нэмж барих төслийг ЕСБХБ-ны зээлийн санхүүжилтээр хэрэгжүүлж байгаа ба 2021 оны 03 дугаар сараас барилгын ажил эхэлж одоогийн байдлаар 5 багц ажилд хуваагдан хэрэгжиж байна.

  Сайд С.Бямбацогт Ази болон Европ тивийг холбосон Азийн авто замын сүлжээний хэсэг бөгөөд улс орны хувьд эдийн засгийн ач холбогдол өндөртэй Монгол Улсын гол авто замыг өргөтгөн шинэчлэх төслийн хэрэгжилт өнгөрсөн жилүүдэд зарим нэг шалтаг, шалтгааны улмаас удааширч ард иргэдийн дунд ихээхэн шүүмжлэл дагуулж байгаа тул Засгийн газар, яамны зүгээс онцгой анхаарч бүх нөөц бололцоог дайчлан ажиллаж байгааг дурдав. Мөн энэхүү төслийн хүрээнд хүлээгдэж байсан хучилтын зузааныг 5 см-аар нэмэгдүүлэх зардал болох 20 сая ам.долларыг ЕСБХБ-ны нэмэлт санхүүжилтээр шийдвэрлэхээр тохиролцлоо.

Хатагтай С.Харгитай ЕСБХБ-ны санхүүжилттэй төслийн Төсөл хэрэгжүүлэх нэгжийг яаралтай байгуулж үйл ажиллагааг эхлүүлэх, төслийн байгаль орчин, нийгмийн нөлөөллийн хүрээнд өртсөн иргэдийн асуудал, төслийн гүйцэтгэгч байгууллагуудын ажиллах хүчний асуудал зэрэг хэд хэдэн асуудлыг хөндөж ярьсан ба сайдыг анхаарч ажиллахыг хүсэв. Сайд С.Бямбацогт эдгээр асуудлуудад яам болон бусад холбогдох байгууллагууд анхаарч зохих арга хэмжээг авч ажиллахаа илэрхийлэв.

Улаанбаатар-Дархан чиглэлийн авто замын төслийн үндсэн ажлууд 2022 оны 10 дугаар сарын 30-ны өдөр дуусахаар байгаа бөгөөд үлдэж буй 3 орчим км замын хучилтыг энэ 7 хоногт дуусган тээврийн хэрэгслийн хөдөлгөөнийг нээх гэж байна. Ингэснээр иргэд болон олон улсын тээвэрт үүссэн авто замтай холбоотой хүндрэл бэрхшээл арилна гэж үзэж байгаагаа илэрхийлэв.

Түүнчлэн талууд төслийн зээлийн гэрээний хугацаа ирэх оны хавар дуусахаар байгаа тул гэрээний хугацааг сунгахаар тохиролцов.

Талууд одоо хэрэгжиж буй төслөөс гадна ЕСБХБ-тай цаашид авто зам болон төмөр замын салбарт шинээр  боломжит төслүүдийн талаар ярилцав.

С.Бямбацогт сайд ачаалал ихтэй, нийгэм эдийн засгийн онцгой ач холбогдолтой шинэ чиглэлүүдэд авто замын төслүүдийг үргэлжлүүлэн хэрэгжүүлэх, мөн шинээр хэрэгжүүлэх төмөр замын төслүүдэд хөрөнгө оруулах, зээл тусламж олгох боломж нээлттэй байгааг мэдэгдэв.  

Хэдийгээр өмнө эхлүүлсэн төслийн хэрэгжилтэд зарим нэг удаашрал гарсан ч Зам, тээврийн хөгжлийн яам болон сайдын зүгээс шуурхай арга хэмжээ авч анхаарч ажилласны үр дүнд сүүлийн үед төслийн ажил ихээхэн эрчимжиж байгаад ЕСБХБ-ны зүгээс талархал илэрхийлж өөрсдөөс хамаарах асуудлыг бүрэн хэрэгжүүлж ажиллахаа илэрхийлэв.



0
angry
0
care
2
haha
0
liked
1
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
“1072 хувьцааны ноогдол ашиг дансанд нь ороогүй иргэд үнэт цаасны данс нээлгээгүй байна” 11 цагийн өмнө
Эхийн алдар одонгийн мөнгийг 26-нд олгоно 11 цагийн өмнө
Хилийн цэргийн алба хаагч осгож амиа алджээ 11 цагийн өмнө
АНУ зудад хамгийн хүнд нэрвэгдсэн 2700 өрхөд малын тэжээл, эм, мөнгөн тусламж үзүүлнэ 11 цагийн өмнө
Залуу малчин: Малаа амьд байгаа дээр нь борлуулах санаатай 20 хоньтой сумаасаа ирлээ 12 цагийн өмнө
Монголбанк хоёрдугаар сард 1281 кг үнэт металл худалдан авлаа 12 цагийн өмнө
Монголын үндэсний музейн ажилчид Ч.Номин сайдын томилгоог эсэргүүцэв 12 цагийн өмнө
ҮХЦ-ийн гишүүний баримтлах зарчим, хориглох зүйлсийг заасан хуулийн төслийг өргөн барилаа 13 цагийн өмнө
"Метроны зөвлөх үйлчилгээнд зарцуулах 54 сая ам.доллар их мөнгө биш" 13 цагийн өмнө
Хүүхдийн эрх зөрчсөн 40 иргэнийг нийт 12 сая төгрөгөөр торгожээ 13 цагийн өмнө
“Чингис хааны музейг үзвэл түүхийн хичээлдээ онц гарна гэж бодоод иртэл оруулсангүй” 13 цагийн өмнө
П.Сайнзориг: Есөн дүүргийг шинэчлэхгүй бол зарим дүүрэг 5 мянга хүрэхгүй хүнтэй байна 13 цагийн өмнө
П.Сайнзориг: Энэ жил авто зам ашигласны төлбөрөөс орж ирдэг 77 тэрбум төгрөгөөр зам засварын ажил хийнэ 14 цагийн өмнө
Музейн нээлттэй өдрүүдийн хүрээнд 26,000 гаруй иргэн музей үзжээ 15 цагийн өмнө
"Өнөр бүл төв"-өөс насанд хүрч гарсан 4 хүүхдийг жолоочийн сургалтад хамруулахаар болжээ 15 цагийн өмнө
"Монголын боловсролын хувирган өөрчлөлт-2024" үндэсний чуулган эхэллээ 16 цагийн өмнө
Хөгжлийн банкны гэх хэргийн давж заалдах шатны шүүх хурал энэ сарын 7-нд болно 16 цагийн өмнө
Ерөнхий сайд Л.Оюун-Эрдэнэ төрийн албан хаагчидтай уулзалт хийж байна 17 цагийн өмнө
УОК: Хорогдсон малын тоо гурван саяыг даваад байна 17 цагийн өмнө
1072 хувьцааны ногдол ашгийг энэ сарын 25-наас олгож эхэлнэ 18 цагийн өмнө