Монголд таван сэтгүүлч тутмын нэг нь бие махбодийн халдлагад өртөж, хүнд хөнгөн гэмтэл авч байжээ

Ц.Цэрэнбадам
2022/11/03

Сэтгүүлчдийн эсрэг гэмт үйлдэл ял шийтгэлгүй үлдэж байгааг таслан зогсоох олон улсын өдрийг найм дахь жилдээ тэмдэглэв

Сэтгүүлчдийн аюулгүй байдлыг хамгаалах, тэдний эсрэг гэмт үйлдэл ял шийтгэлгүй үлдэж буйг таслан зогсоох олон улсын өдрийг тохиолдуулан хэвлэлийн эрх чөлөө, сэтгүүлчдийн аюулгүй байдлыг хамгаалж хангахад учирч буй бэрхшээлийн талаар төрийн холбогдох байгууллагуудын төлөөлөл, сэтгүүлчдийг оролцуулсан хэлэлцүүлгийг Глоб Интернэшнл ТББ, ННФ, ЮНЕСКО хамтран зохион байгууллаа.  

Уулзалтыг нээж Европын Холбооноос Монгол улсад суугаа Элчин сайд бөгөөд Төлөөлөгчийн газрын тэргүүн Аксель Никэйз, ЮНЕСКО-ийн Монголын Үндэсний комиссын ерөнхий нарийн бичгийн дарга С.Болдсайхан, ЮНЕСКО-ийн Мэдээлэл, харилцаа холбооны хөгжлийн олон улсын хөтөлбөрийн Монголын үндэсний хорооны дарга, Глоб Интернэшнл төвийн Удирдах зөвлөлийн дарга Х.Наранжаргал үг хэлэв.

2019 онд Глоб Интернэшнл Төв, Монголын хэвлэл мэдээллийн зөвлөл, Монголын хуульчдын холбоо хамтран хийсэн үнэлгээгээр Монголын таван сэтгүүлч тутмын нэг нь бие махбодийн халдлагад өртөж, хүнд хөнгөн гэмтэл авч байсан ба нэг сэтгүүлч дунджаар гурван удаа ажил үүргээ гүйцэтгэж яваад ийм нөхцөлд орж байсныг тогтоожээ. Түүнээс гадна ажлын багаж хэрэгсэлд халдах, нийтлэл нэвтрүүлгийг хориглосон, хориглохоор завдсан, редакцын цагдан хяналт, дарамт шахалттай тулгардаг болох нь тогтоогдсон байна.

 2020 оны 1 сараас 2022 оны 3 сар хүртэл мониторинг хийхэд 233 удаагийн иргэний болон улс төрийн эрхийн зөрчил бүртгэгдсэн байх ба үүнээс ихэнх нь буюу 114 нь мэдээллийн эрх чөлөө буюу мэдээлэл олж авах, боловсруулах түгээх эрхийг зөрчсөн тохиолдол байна. Эрх зөрчигчдийн ихэнх нь төрийн албан тушаалтнууд байгааг мониторингийн тайланд онцолжээ.  Өнгөрсөн хорь гаруй жилийн хугацаанд сэтгүүлчийн эсрэг үйлдсэн хоёр л гэмт хэргийг шүүхээр хянан шийдвэрлэсэн аж.

ННФ-ын зүгээс ажил үүргээ гүйцэтгэж яваад халдлагад өртсөн болон мэдээлэл чөлөөтэй олж авах, түгээх, үзэл бодлоо чөлөөтэй илэрхийлэх эрх нь зөрчигдсөн сэтгүүлчдэд эрх зүйн туслалцаа үзүүлэх, мэдээлэл авах эрхийн зөрчилд мониторинг хийх чиглэлээр Глоб Интернэшнл Төв ТББ-д дэмжлэг үзүүлж байнга хамтран ажиллаж ирсэн юм. 


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Зургаадугаар сард ихэнх нутгаар бороотой байх төлөвтэй байна 9 цагийн өмнө
Б.Соёл: Уурхайгаа булаалгасан дөрвөн жилийн хугацаанд нэг минь амь насаа алдсан, эцэст нь үнэн ялж бид уурхайгаа буцаан авлаа 14 цагийн өмнө
Пауэрлиптингийн тамирчин Ц.Баярхүү дэлхийн аварга боллоо 14 цагийн өмнө
11 дүгээр сургуулийн сурагч Л.Дөлгөөн Азийн физикийн олимпиадаас хүрэл медаль хүртэв 16 цагийн өмнө
Малдаа яваад алга болсон 13 настай хүү эсэн мэнд гэртээ иржээ 17 цагийн өмнө
Ихэнх нутгаар дулаарна 18 цагийн өмнө
Л.Оюун-Эрдэнэ: Шивээхүрэн-Сэхэ боомтыг холбох нь баруун босоо тэнхлэгийн төмөр замын эхлэл болж байна Өчигдөр
Танилц: ИНЕГ-ын зардлаар суралцсан ч гэрээний үүргээ биелүүлээгүй 11 ХҮН Өчигдөр
ОБЕГ: Гал түймрийг бүрэн унтраалаа Өчигдөр
“Оюутан цэрэг” хөтөлбөрт анх удаа 1500 оюутан хамрагдаж байна Өчигдөр
С.Амарсайхан: 100 суманд тус бүр 100 га газар сонгон, нутгийн сортын бэлчээр тэжээлийн ургамал тарималжуулна Өчигдөр
Сэтгүүлчид: Боловсролын зээлийн сангийн асуудалд Засгийн газар дорвитой алхам хийх ёстой Өчигдөр
Зургаан настай А.Оюунтөгс: Бие биетэйгээ сайхан харилцаж, эв найртай байхыг хайр гэдэг Өчигдөр
Омикроны дэд хувилбар ахмадууд хүндээр тусаж байна Өчигдөр
Баруун болон төвийн аймгуудын нутгаар хур тунадас орж, сэрүүвтэр байна Өчигдөр
Д.Гарди: Надад хууль зөрчсөн үйлдэл байхгүй, айдас алга 2023/05/26
Ц.Магалжав: Э.Оюунболдоос допинг илэрсэн, олон түмэн бөхөө дэмжихдээ өөгшүүлмээргүй байна 2023/05/26
​Ерөнхийлөгч У.Хүрэлсүхийн дүү У.Отгонбаяр 32 мянган ам.долларын зээлээ төлжээ 2023/05/26
Залилан хийсэн иргэн: Байр түрээслэх, машин авах гэж байгаа хүмүүсээс урьдчилгаа авч залилдаг байсан 2023/05/26
УИХ-ын гишүүн Б.Энхбаяр БЗС-гийн мэдээлэл нийтэд ил болмогц зээлээ төлжээ 2023/05/26