Лос-Анжелес хотын түгжрэлийг бууруулж буй туршлагыг АНУ-д ажилладаг монгол мэргэжилтэн танилцууллаа

" class="publish__avatar">
Ц.Цэрэнбадам
2022/11/25

Нийслэлийн Засаг дарга бөгөөд Улаанбаатар хотын Захирагч Д.Сумъяабазар болон холбогдох албаныхан өнөөдөр АНУ-ын Калифорни мужийн Өмнөд бүсийн захиргааны төслийн удирдагч, зам тээвэр, хот төлөвлөлтийн ахлах мэргэжилтэн Баярмаа Александрыг хүлээн авч уулзлаа. Энэ үеэр тэд түгжрэлийг бууруулах чиглэлээр авч хэрэгжүүлэх арга хэмжээний талаар санал солилцож, АНУ-ын Калифорни мужийн Лос-Анжелес хотын хийж, хэрэгжүүлж буй ажлын талаарх судалгаатай танилцав.

Лос-Анжелес нь 3.8 сая хүнтэй бөгөөд тус хотод тулгамдаж буй асуудлуудын нэг нь түгжрэл. Судалгаагаар тус хотын түгжрэлийн гол шалтгаан нь хот төлөвлөлтөөс гадна хүмүүс гэрээсээ гарахдаа зөвхөн машинаар явах сонголт хийж буйтай холбоотой гэж гарчээ. Тодруулбал, хүн амын 74.1 хувь нь ажилдаа явахдаа хувийн машинаар ганцаараа зорчиж, 12.6 хувь нь дундын машинаар явж, 4.9 хувь нь нийтийн тээврийг сонгож, харин 4.2 хувь нь гэрээсээ ажилладаг байна. Иймд Лос-Анжелес хот зөвхөн зам тээвэр, автомашинд зориулсан арга хэмжээ хэрэгжүүлэх бус, өөр олон төрлийн арга хэмжээг 1920-иод оноос хойш хэрэгжүүлж байгаа гэв.

Харин Улаанбаатар хотын хувьд 1.6 сая хүн амтай, өдөрт дунджаар 440-460 мянга орчим тээврийн хэрэгсэл замын хөдөлгөөнд оролцож, давхардсан тоогоор өдөрт автомашины 2.9 сая орчим зорчилт бүртгэгдэж байна. Иргэдийн автомашинаар зорчиж буйн үндсэн шалтгаануудад ажилдаа явах, гэртээ харихаас гадна сургууль, цэцэрлэг рүү чиглэсэн хөдөлгөөн, худалдаа, үйлчилгээний төв орох, төрийн үйлчилгээ авах, амралт, чөлөөт цагаа өнгөрүүлэх  газрыг зорих зэрэг багтдаг аж. Тиймээс уулзалт хийж буй талууд түгжрэл нь маш олон хүчин зүйлээс бүрдсэн цогц асуудал гэдгийг тодотгож, иргэд машинаар явах сонголт хийж буйн шалтгаан, машинаар явах эрэлт, хэрэгцээг судлан, түүнд чиглэсэн ажил хийж, хэрэгжүүлэх нь зүйтэй хэмээн үзсэн юм.

АНУ-ын Калифорни мужийн Өмнөд бүсийн захиргааны төслийн удирдагч, зам тээвэр, хот төлөвлөлтийн ахлах мэргэжилтэн Баярмаа Александр нь Японы Киотогийн их сургуульд Тээврийн математик загварчлалаар докторын зэрэг хамгаалж, Япон, Голланд, Нидерланд, АНУ зэрэг улсад зам тээвэр, хот төлөвлөлтийн төслүүдэд ажиллаж байсан юм. Өдгөө тэрбээр АНУ-ын Калифорни мужийн Лос-Анжелес хотын Өмнөд бүсийн зам тээврийг 2040 он хүртэл хөгжүүлэх урт хугацааны төслийг удирдан ажиллаж байна.

НИЙСЛЭЛИЙН СУРГАЛТ, СУДАЛГАА, ОЛОН НИЙТТЭЙ ХАРИЛЦАХ ГАЗАР


0
angry
0
care
0
haha
10
liked
1
love
4
sad
2
wow

Сэтгэгдэл (19)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
103.161.242.134
2022/11/26
0
0
niitiin teevree hogjuulj, tav tuhtai, soyoltoi, bolovson, hurteemjtei bolgovol hen tegeed l tsag zav, stress buhimdal, mungu tugruguu uren baij tugjreed yvah ve dee.
Хариулах
202.21.108.56
2022/11/25
1
0
Түгжрэлийн бас нэг шалтгаан бол хүүхдүүдээ харъяаллын дагуу сургуульд сургахгүй, гэрээсээ хол болохоор эцэг эхчүүд машинаар зөөж байна. Иймд бүх сургуулийн сургалтын чанарыг адилхан сайжруулбал эцэг эхчүүд машинаар зөөж түгжрэлийг тодорхой хэмжээгээр багасгана шүү дээ.
Хариулах
192.82.75.62
2022/11/25
2
0
Үлгэрийн баатрууд мэдлэг боловсролгүй хүмүүс хэзээ ч түгжрэлийг арилгаж чадахгүй. Тэр бол үлгэрт байдаг зүйл
Хариулах
103.212.116.172
2022/11/25
0
0
Энэ эрх мэдэлтэнгүүдэд түгжрэл огт хамаагүй. Наана санаа тавьж жүжиглэж цаана ахиухан мөнгө идэх
Хариулах
103.161.242.113
2022/11/25
0
0
Шийдлийг коммент хэсгээс харна уу гэхэд л яг амьдралтай шийдлүүд байх болно. Тэрнээс ЛА хот нтр хамаагүй УБ бол хот нь ч хүмүүс нь асуудал нь ч төрийхөн эрх баригч,хэрэгжүүлэх систем,хурд гээд бүх зүйл нь өөр байгаа байлгүйдээ
Хариулах
103.161.242.113
2022/11/25
0
0
1.Босоо хэвтээ тэнхлэгтээ явган хүн алхах,дугуйн замыг шиидвэл 2.Зах худалдааны төв,албан газруудын зогсоол тун хэцүү ажилчдынх нь машинаар дүүрсэн байгааг зохицуулах арга хэмжээг авах 3. Замын 1р эгнээнд машин тавихтай тэмцэх ачихаас илүү торгууль тавих,цагдаа нарын хүн хүч хүрэлцэхгүй бол олон нийтийн цагдаа нараар энэ ажлыг хийлгэх 4.Гэрэл дохиогүй уулзварууд дээр цагдаа зохицуулах 5.Өндөр байшингийн сүүдэрт халхлагддаг замууд ихэвчлэн мөстддөг ялангуяа уулзвар дээр үүнээс болж ЗТОсол гарч түгжирдэг 6.Татвар торгууль хязгаарлалтаа нэмэх л хэрэгтэй.
Хариулах
202.126.90.96
2022/11/25
0
0
Тэнэж явсан нэг авгай хотын түгжрэлийг арилгахгүй. Улаанбаатар хот тэр лос анжелес хотоос тэс өөр зохион байгуулалттай, хөдөлгөөнд оролцох соёл нь төлөвшөөгүй эрс ялгаатай.
Хариулах
202.126.90.129
2022/11/25
1
0
энэ хүн судалдаг л хүн болохоос түгжрэлийнстраатегич биш шүү дээ, УБ ийн түгжрэлд амьдардаг МОНГОЛоос асуу, бууж өгч. тахимаа өгч сураачээ,!!!!
Хариулах
66.181.189.176
2022/11/25
1
0
Туршлага судлах нь зөвч түгжрэлдээ төсөв хөрөнгө тавьж тэрнийгээ хулгай хийж хувьдаа ашиглахгүй зарцуулж чадвал түгжрэл буурна! Манай сайд дарга нар луйвар хийхдээ гаршсан бусад улсын чанартай ажилд толгой нь ажиллахгүй хүмүүс! Мэдээжийн юмыг судлаад туршлага энэ тэр гэж жүжиглээд яахав дээ мэдлэг боловсролтой хүмүүс дээ ажлаа хариуцуул төсөв мөнгөө ахиухан тавиад хийж чадлаг хүмүүсээ шахаж ажлуулаа!
Хариулах
202.126.90.129
2022/11/25
1
0
Ашгүй мөнгө заараагүй юм шигг байна, харин энэ хүүхэний үнэт цагаас нь хороож дээ, харамсалтай, илжигний чихнүүд кккк
Хариулах
202.126.90.129
2022/11/25
0
0
50 +50 =100, хэзээ ч 101 болохгүйтэй адил, хариуг нь ггаргачихсан намайг сонсоорой, SKY CIRCLE
Хариулах
121.162.105.132
2022/11/25
0
0
Хотын дарга олон жил гадаад орны хөгжилтэй танилцаад үзсэн хүн Улс орноо тэр орны дүйтэй болгочих сэтгэл их бгаа Дэмжинээ Хийх хүн юм бгаа харагддаг
Хариулах
59.153.112.151
2022/11/25
1
0
мөн ч их туршлага судалж мөнгө үрж байна бүтэж байгаа зүйл нэг ч алга улам л дордоод байгаа юм биш үү
Хариулах
192.82.67.10
2022/11/25
0
0
Нээх сэвээд л арга хайж бна гээд мөнгө үрээд бхаар 1р эгнээнүүдээ чөлөөлөөд нийтийн тээврийн автобусуудаа шинэлчилж нэмэхэд л бно штэ.Үүнээс өөр гаргалгаа одоогийн УБт бхгүй.Худлаа яриад төсөвлөсөн мөнгийг нь хулгайлах гээд цаг хожоод дэвэн дэлхий хэсээд яваад бх юм.Бдал өарчлөгдөхгүй.
Хариулах
202.126.90.120
2022/11/25
0
0
Ьг
Хариулах
103.229.120.244
2022/11/25
0
0
Naad amerikaa zamiin uulzvaraa yaj shiidsenee l duurai bas 300 saya mashintai uls yaj bagtaj bgaad asuugaarai los angjeles hot mongoliin hvn amaas ih uym bna
Хариулах
66.181.182.67
2022/11/25
1
0
Шалтгаан бол энд тэндээс асуусан асуугаагүй тодорхой асуудал.Харин энэ асуудлаас гарахын тулд ганц нийслэлдээ хөрөнгө зараад байх н дээрүү эсвэл тэр хөрөнгөөрөө хөдөөд болон дагуул хотуудаа суурьшлын бүс болгоход зориулсан нь дээрүү гэдэг дээр л толгойгоо ажиллуулсан нь оновчтой юу гэдэгт байгаа юм.
Хариулах
66.181.183.101
2022/11/25
0
0
Манайханы нам дагаж суганы үс болсон пацаанууд хийх ажил биш ш дээ, бүр энэ чиглэлээр мэргэшсэн доктор нтр хүмүүсээ ажиллуулдаг бгаа биз дэ мангасуудын.
Хариулах
64.119.18.118
2022/11/25
0
0
Судалхаар usa шааж харлах нь.. түгжрэл үү .! гэрэлэн дохиог цөөлөх , сүх талбайгаа нар зөв мөнхийн тойрог болгох.. явган нүхэн гарц 100-120 ш ийг хийх .. дотроо жорлон түцгүй зүгээр нь нүхэн гарц !!!
Хариулах
Шинэ мэдээ
Д.Амарбаясгалан: WADA-гийн хурлаар манай улс "Ажиглалтын жагсаалт"-д орлоо 5 цагийн өмнө
“Дорнодын шинэ сэргэлт” хөрөнгө оруулалтын чуулган эхэллээ 6 цагийн өмнө
Автомашингүй өдөр: Нийтийн тээврийн 42 чиглэлд өөрчлөлт оров 10 цагийн өмнө
Д.Мөнх-Эрдэнэ нарт холбогдох хэргийг хяналтын шатны шүүхээр хэлэлцүүлэхээс татгалзлаа 10 цагийн өмнө
Баянзүрх дүүрэгт гарааш буулгасан 38 байршлыг иргэдийн хүсэлтэд тулгуурлан тохижуулжээ 10 цагийн өмнө
Өнөөдөр 12 зах, худалдааны төв ажиллахгүй 11 цагийн өмнө
Сургуулийнхаа цайны газарт мантуун бууз идээд хордлогод орсон гэх мэдээлэлд мөрдөн шалгах ажиллагаа явуулж байна 11 цагийн өмнө
“Арвайхээр сумын дулааны станцын өргөтгөл, шинэчлэл” төслийг ирэх оны улсын төсөвт тусгана 11 цагийн өмнө
“Найман ишигний” гэх хэргийн шүүх хурал товлогджээ 11 цагийн өмнө
Өнөөдөр "Автомашингүй өдөр" 11 цагийн өмнө
Ихэнх нутгаар бороо, нойтон цас орно 11 цагийн өмнө
МАН хүчээ нэгтгэсэн бол Б.Пунсалмаа хүч тэнцвэржүүлнэ Өчигдөр
Иргэн: Хурдтай явсан приус машин охидыг мөргөж гарцан дээр зогссон машин руу охид хавсрагдаад шидэгдчихсэн Өчигдөр
Охидын дайруулсан гарцан дээр хурд сааруулагч байршуулна Өчигдөр
Кабель утас үйлдвэрлэдэг, жамц давс зөөдөг компаниуд эрүүл мэндийн салбарын цахимжилтыг гацаажээ Өчигдөр
Ар гэр нь: Өсвөр насны хөвгүүд нэгнийгээ шатаана гэж юу гэсэн үг юм бэ,​ дүү маань ярьж чадахгүй сахиуртай байгаа Өчигдөр
Ж.Сүхбаатар: Согтуу жолоочид хатуу хариуцлага оногдуулахаар хуулийг өөрчилнө Өчигдөр
Гэр хорооллыг хөгжүүлэх замаар агаарын бохирдлыг бууруулах боломжтой Өчигдөр
“Автобусны буудал ойрхон бол гоё, нохой дайрахаар агаа намайг хамгаалж чулуу шиддэг” Өчигдөр
​ БНСУ: Мандал сумын орлогч дарга Л.Мөнхбатад БНСУ-ын шүүхээс 5 жилийн хорих ял оноолоо Өчигдөр