Монгол Улсын Хөгжлийн банкны асуудлаарх Хянан шалгах түр хороо хуралдаж байна. Өнөөдрийн хуралдаанаар
Хуралдаан даргалагч УИХ-ын гишүүн Г Б.Энхбаяр "Хөгжлийн банканд урьд нь хийгдэж байсан бүхий л шалгалтын материалыг, дүгнэлтийг албажуулж ирүүлэх тогтоол гарсан. Тус тогтоолын хүрээнд хяналт, шалгалт хийх явцад 2020 онд Монголбанкны ерөнхийлөгч Б.Лхагвасүрэн, тухайн үеийн Сангийн сайд Ч.Хүрэлбаатар нарын хамтарсан удирдамжаар Хөгжлийн банканд хийгдсэн хяналт, шалгалтын материалыг ирүүлээгүй. Үүний хоёр удаа нэхсэн. Хамгийн сүүлд ирүүлсэн материалд энэ асуудлыг тухайн үеийн Сангийн сайд Ч.Хүрэлбаатар албажуулаагүй гэсэн байсан.
Хөгжлийн банкны зөрчил, дутагдлын асуудал дээрх албажуулаагүй шалгалтаар илэрсэн байжээ. Гэхдээ үүнийг тухайн үеийн Сангийн сайд Ч.Хүрэлбаатар албажуулаагүй, нуун дарагдуулсан гэж үзэж байна. Тухайн үеийн Засгийн газрын хуралдаанд танилцуулаагүй байна. 2020 онд Хөгжлийн банканд үүссэн зөрчил, дутагдалтай холбоотой Монголбанк, Сангийн яамны хамтарсан шалгалтын дүнг албажуулахгүйгээр нуун дарагдуулж, эс үйлдэл гаргасан асуудал нь албан тушаалын гэмт хэргийн шинжтэй гэж үзвэл холбогдох хууль хяналтын байгууллагаар Сангийн сайд асан Ч.Хүрэлбаатарыг шалгуулна. Мөн нээлттэй сонсголын үеэр Ч.Хүрэлбаатар сайдыг гэрчээр дуудаж байцаах учир дээрх асуудлыг тодруулна" гэв.
Сэтгэгдэл (0)
Сэтгэгдэл бичигдээгүй байна