АМЬТНЫ ЭМНЭЛГЭЭС АДУУНЫ ЭМНЭЛЭГ ХҮРТЭЛ АМЖИЛТТАЙ ХЭРЭГЖИЖ БУЙ ЗАГВАР ТӨСӨЛ

Ц.Цэрэнбадам
2022/11/28

Бүгд Найрамдах Солонгос Улсын буцалтгүй тусламжаар Хөдөө аж ахуйн их сургуулийн Мал эмнэлгийн сургуулийн дэргэд Мал амьтны эрүүл мэндийн төв байгуулагдаж, ирэх оноос эхлэн туршилтын журмаар ашиглалтад ороход бэлэн боллоо. Бүгд Найрамдах Солонгос Улсын Хөдөөгийн Хөгжлийн Корпорац (KRC) болон Хүнс, хөдөө аж ахуйн яам (MAFRA)-ны буцалтгүй тусламжаар “Монгол Улсын мал эмнэлгийн чадавхыг бэхжүүлэх, мал амьтны эрүүл мэндийн төв байгуулах” зорилготой төсөл хэрэгжүүлж байна. Уг төслийг Монголын талаас Хүнс, хөдөө аж ахуй, хөнгөн үйлдвэрийн яам, Сангийн Яам, Хөдөө аж ахуйн их сургууль, Солонгосын талаас Хөдөөгийн Хөгжлийн Корпорац (KRC) болон Хүнс хөдөө аж ахуйн яам (MAFRA) хоорондын гэрээгээр 2019 оны 11 дүгээр сарын 05-ны өдрөөс 2023 оны 12 дугаар сарын 31-ний өдөр хүртэл хэрэгжихээр гарын үсэг зурсан. Бүгд Найрамдах Солонгос Улсын “WOSEM” компани, Кёнгбүкийн Их Сургууль гүйцэтгэгч байгууллагаар шалгаран хэрэгжүүлж байна. 

Төслийн нийт төсөвт өртөг 4 сая ам.доллар бөгөөд 1432 м.кв зоорины давхраас гадна 3 давхар барилга, тавилга, эд хогшил, эмнэлгийн үйл ажиллагаанд зориулсан мэс засал, лабораторийн тоног төхөөрөмж бусад багаж хэрэгслүүд бүтээн байгуулалтын зардалд тусгагдсан юм. Мөн Мал эмнэлгийн сургуулийн багш нар, малын эмч нарын ур чадварыг сайжруулах, чадавхыг бэхжүүлэх зорилгоор тухайн төвд хэрэглэх багаж, тоног төхөөрөмжийг хэрхэн ажиллуулах болон Солонгосын мал эмнэлгийн орчин үеийн эмчилгээний арга барил, туршлага олгох сургалтыг Кёнгбүкийн Их Сургуультай хамтран хэрэгжүүлж байна. Багш, малын эмч, суралцагчдын мэргэжлийн ур чадварыг сайжруулах сургалтын хүрээнд Мал эмнэлгийн сургуулиас 7 багшийн бүрэлдэхүүнтэй баг 7 хоногоор тус бүр 2 удаа, 15 багшийн бүрэлдэхүүнтэй баг 10 хоногоор 1 удаа Солонгос улсад ирж мэргэжлийн ур чадвараа сайжруулсан байна. Мөн Кёнгбүкийн их сургуулийн багш, судлаачид Монголд зочилж, багш, оюутан, малын эмч нарт 10 удаагийн сургалт, семинар, 4 удаагийн дадлага олгох сургалтыг зохион байгуулжээ. Үүний зэрэгцээ барилгын гүйцэтгэл, тоног төхөөрөмжийн угсралт, ашиглалт, үйл ажиллагааны менежментийн чиглэлээр мэргэжлийн экспертүүд зөвлөн ажиллаж байна. 

ХОЁРДУГААР ШАТНЫ ТӨСЛИЙГ ХОЛБОГДОХ ЯАМД ДЭМЖИЖ БАЙНА
Таван жилийн хугацаатай хэрэгжиж буй энэ төсөл Бүгд Найрамдах Солонгос Улсын Хөдөөгийн Хөгжлийн Корпорацын Олон улстай хамтран хэрэгжүүлдэг төслүүд дундаас цар тахлын хорионоос үл хамааран маш амжилттай хэрэгжсэн төслийн нэгээр шалгарсан. Тиймээс Монголын талаас тавьсан саналын дагуу хоёрдугаар шатны төслийг хэрэгжүүлэх боломжийн талаар Монгол Улсын Засгийн газар, холбогдох яамд, сургуулийн удирдлагын төлөөлөл 2022 оны 11 дүгээр сарын 19-нөөс 26-ны өдрүүдэд тус улсад албан айлчлал хийж, Хөдөөгийн Хөгжлийн Корпорацад уламжилж, харилцан санал солилцлоо. Монголын талаас Хүнс, хөдөө аж ахуй, хөнгөн үйлдвэрийн яамны Төрийн нарийн бичгийн дарга Т.Жамбалцэрэн, Сайдын Зөвлөх, Хөдөө аж ахуйн их сургуулийн Удирдах зөвлөлийн дарга Д.Тэрбишдагва, Боловсрол, шинжлэх ухааны яамны Дээд болон мэргэжлийн боловсролын удирдлага, зохицуулалтын газрын дарга Х.Тамир, Төв аймгийн Засаг Даргын орлогч Г.Сурмаа, Хөдөө аж ахуйн их сургуулийн захирал О.Баатарцогт, Мал эмнэлгийн сургуулийн захирал А.Гомбожав, Монгол Улсаас Бүгд Найрамдах Солонгос Улс дахь Консул Б.Оргилдорж нарын төлөөлөгчид Хөдөөгийн Хөгжлийн корпорацын удирдлагатай уулзан эхний шатны төслийн үр дүн, дараагийн шатны төслийг хэрэгжүүлэх боломж, Монголын болон Солонгосын талаас хамтран хэрэгжүүлэх ажлын талаар санал солилцлоо. Мөн энэхүү албан айлчлалын хүрээнд Сөүл дэх Морин тойруулгын төвийн дэргэдэх адууны эмнэлэг, Ичон хотын Жи энд Си адууны эмнэлэг, Мал аж ахуй, газар тариалангийн туршилт, судалгааны төвтэй, дадлага, туршлагад тулгуурласан сургалт явуулдаг Чонан хотын Ёнам их сургууль, Жонжу хотын Газар тариалан, Загасны их сургуульд зочилж, мал, амьтны эмнэлгийн тогтолцоо, судалгаа шинжилгээний үр дүн, онцлогийн талаар танилцлаа. 

Ичон хотын Жи энд Си адууны эмнэлэг нь орон нутагт байрладаг хувийн адууны эмнэлэг гэдгээрээ онцлогтой бол Ёнам их сургуулийн хувьд LG группийн санхүүжилттэйгээр үйл ажиллагаагаа явуулдаг бөгөөд ерөнхийдөө тус группийн ирээдүйн чадварлаг хүний нөөцийг бэлтгэхэд чиглэгджээ. Тус улсын томоохон аж ахуй нэгжүүд ирээдүйн хүний нөөцөө хэрхэн бэхжүүлж, бэлтгэж байгааг энэ сургуулийн үйл ажиллагаа, менежментээс харж болохоор байлаа. Мөн Жонжу хотын Газар тариалан, Загасны их сургууль нь 100 хувь Засгийн Газрын санхүүжилтээр үнэ төлбөргүй сургалт явуулдаг төрийн өмчийн сургууль юм. Тухайлбал, тус сургуульд суралцагчдын элсэлтийн бүртгэлээс эхлээд байр, хоол, сургалтын төлбөрийг Засгийн газраас бүрэн санхүүжүүлдэг бөгөөд төгссөний дараа 6 жил хөдөө аж ахуйн салбарт мэргэжлээрээ ажиллах болзолтойгоор гэрээ байгуулдаг байна. 

Ийнхүү Хөдөө аж ахуйн их сургуулийн Мал эмнэлгийн сургуулийн дэргэд байгуулж буй мал эмнэлгийн салбарын хүний нөөцийн чадавхыг бэхжүүлэх, амьтны эмнэлэг барих төсөл амжилттай хэрэгжсэнээр адууны эмнэлэг барих дараагийн шатны төслийн эхлэлийг тавилаа.  Тус төслийн эхний алхам болох газрын асуудал шийдэгдсэн бөгөөд Төв аймгийн Эрдэнэ суманд барихаар төлөвлөж байна.    



0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Буддагийн ариусан гэгээрч бурханы хутгийг олсон Бодьгаяа 3 цагийн өмнө
Эерэг мэдээ: Таван найз тавуулаа гадны их, дээд сургуулиудад суралцахаар болжээ 4 цагийн өмнө
ТАНИЛЦ: МАН-аас баруун бүсэд сойсон “шинэ” нэр дэвшигчид 5 цагийн өмнө
Б.Дуурсахмаа: Шавь нараа үнсэж эрхлүүлэх дуртай, багшийн цалингаа голж суулгүй давхар ажил хийдэг 6 цагийн өмнө
“Учиртай гурван толгой” дуурийн гол дүрүүдийг шалгаруулж байна 6 цагийн өмнө
Спорт клубүүдэд хөнгөлөлттэй үнээр бүртгүүлэх боломжтой 6 цагийн өмнө
​Гадаад улсад үйл ажиллагаа явуулж байгаа боловсролын сургалтын байгууллагад төрөөс дэмжлэг үзүүлэх журам баталлаа 6 цагийн өмнө
“Улаанбаатар марафон”-д 20 мянга гаруй хүн бүртгүүллээ 7 цагийн өмнө
Өнөөдөр бурхан багшийн дүйчэн өдөр тохиож байна 7 цагийн өмнө
Нийслэлд өдөртөө бага зэргийн аадар бороо орно 7 цагийн өмнө
Ж.Бат-Эрдэнэ: Ногоон автобус хуучин болохыг сонсголоор ил болголоо, нийслэл алдаагаа Тагнуулын байгууллага руу чихэж болохгүй 23 цагийн өмнө
Д.Амартүвшин: АН-ын дарга Лу.Гантөмөр тохиролцсондоо хүрч чадсангүй, жагсаалтаас нэрээ татаж байна Өчигдөр
Н.Алтанхуяг: Лу.Гантөмөрийн зовлонг ойлгож байна, МАН жагсаалтынхаа эхэнд инженер хүн орууллаа гээд мундаг гэсэн үг биш Өчигдөр
71 сая ам.долларыг нь Олон улсын хандивлагчдаас бүрдүүлж, “Монголын байгалийн өв” байгаль хамгааллын итгэлцлийн санд төвлөрүүлээд байна Өчигдөр
Монгол Улсын их хурлын сонгуулийг ажиглах ЕАБХАБ-ын төлөөлөгчидтэй уулзав Өчигдөр
“Автомашингүй өдөр” 20 гаруй худалдааны төв амарна Өчигдөр
"Тусламжийн бараа өгдөг асуудлаа болимоор байгаа юм. Бидний хойч ирээдүйд итгэх итгэл алга байна шүү дээ" Өчигдөр
Л.Наранбаатар: Сонгуульд өрсөлдөх мандатаа авсан төвийн нэр дэвшигчдээ дэмжиж ажиллана Өчигдөр
О.Цогтгэрэл: Жагсаалтын нэрстэй би ч санал нийлэхгүй байгаа, мэдээж С.Цэнгүүнээс З.Нарантуяа илүү байлгүй яахав Өчигдөр
Сонгинохайрхан, Налайх дүүрэгт эдийн засгийн тусгай бүс байгуулна Өчигдөр