МОНГОЛ ОРОН МАЛ АЖ АХУЙН ОЛОН УЛСЫН ҮЗЭСГЭЛЭНД ХҮНДЭТ ЗОЧНООР ОРОЛЦОНО

Ц.Цэрэнбадам
2022/06/16

Францын Клермон-Феррон хотноо 31 дэх жилдээ зохион байгуулагдах "Мал аж ахуйн олон улсын үзэсгэлэн"-д (Сомме дэ Элваж) Монгол Улс хүндэт зочин орноор уригдан оролцохтой холбогдуулан үзэсгэлэнгийн зохион байгуулагчид, Монгол Улсаас Франц Улсад суугаа Элчин сайдын яам хамтран Францын Хөдөө аж ахуй, хүнсний бүрэн эрхт байдлын яаманд хэвлэлийн бага хурал 6 дугаар сарын 15-ны өдөр зохион байгуулав.

Хэвлэлийн бага хурлыг нээж Францын Хөдөө аж ахуй, хүнсний бүрэн эрхт байдлын сайд Марк Фенү хэлсэн үгэндээ Монгол Улсыг хүндэт зочноор оролцож байгаад баяр хүргэж, мэндчилгээ дэвшүүлэв. 

Элчин сайд У.Нямхүү Монгол Улсын мал аж ахуйн салбарын өнөөгийн байдал, цаашдын чиг хандлага, хөдөө аж ахуйн салбар дахь хамтын ажиллагааг хөгжүүлэх боломжууд, уур амьсгалын өөрчлөлтийн эсрэг Монгол Улсад авч хэрэгжүүлж буй арга хэмжээ, Монгол Улсын санаачилгаар олон улсын бэлчээр ба нүүдлийн мал аж ахуй эрхлэгчдийн жилийг 2026 онд тэмдэглэх НҮБ-ын тогтоол батлагдсан зэргийг танилцуулж, оролцогчдын сонирхсон асуултад хариулсан. 

Түүнчлэн үзэсгэлэнг зохион байгуулагчдын зүгээс 2022 оны үзэсгэлэнгийн онцлог, оролцогчдын цар хүрээний талаар, Францын мал аж ахуйн хүрээлэнгийн тэргүүлэх эдийн засагч Филип Шоттү үхрийн мах, амьд малын зах зээл болон малын өвчин, цаг уурын өөрчлөлтийн талаар хийсэн судалгааны дүн, ирээдүйн чиг хандлагын талаар, "Herd book Charolais" Европ болон Францын тэргүүлэх зэрэглэлийн махны үүлдэрийн үхэр үржүүлэх нийгэмлэгийн тэргүүн Себастян Клүзел хэрхэн махны чиглэлийн үхрийг үржүүлэх, дасан зохицох, үр шимийг нэмэгдүүлэх талаар тус тус танилцуулав. 

Үзэсгэлэнгийн бэлтгэл ажлын хүрээнд "Сомме дэ Элваж" үзэсгэлэнгийн Ерөнхийлөгч Жак Шазале тэргүүтэй төлөөлөгчид 6 дугаар сарын 20-25-ны өдрүүдэд Монгол Улсад айлчилж, Хүнс, хөдөө аж ахуй, хөнгөн үйлдвэрийн яамны удирдлага болон салбарын бизнес эрхлэгч, аж ахуйн нэгжүүдтэй уулзах юм. 

Европт хамгийн томд тооцогдох энэхүү үзэсгэлэнд мал аж ахуйн фермер эрхлэгч, холбоод, малын эм, тэжээл, хөдөө аж ахуйн салбарын машин, техник, тоног төхөөрөмж үйлдвэрлэгч бүхий мэргэжлийн аж ахуйн нэгжүүд оролцдог бөгөөд 2021 онд 33 орны 1510 оролцогч 93000 зочин, төлөөлөгч оролцжээ. 



0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Г.Сайханбаяр: Ажиллагааны оронд ажиллаж байсан туршлагатай алба хаагчдаа бид илгээсэн 4 цагийн өмнө
Монголын баг "Газиантеп" хотын нисэх буудалд газардлаа 5 цагийн өмнө
Танилц: Засгийн газрын хуралдаанаас гаргасан шийдвэрүүд 5 цагийн өмнө
Х.Болорчулуун: 5.5 сая үхрийг 13 тэрбум төгрөгөөр ээмэгжүүлнэ 5 цагийн өмнө
Ж.Ганбаатар: Хөрөнгийн биржийг түшиглэн нүүрсээ зарна 6 цагийн өмнө
Зөвлөлдөх уулзалтад 800 орчим иргэн санамсаргүй түүврээр сонгогдож оролцоно 6 цагийн өмнө
Х.Нямбаатар: Төрийн албанд шимигчилж амьдардаг хүмүүсийг шүүрдэн чөлөөлнө 6 цагийн өмнө
​Дэлхийн 70 гаруй орон Турк улсад тусламж үзүүлэхээ мэдэгдлээ 6 цагийн өмнө
Сирид хүйг нь тасалж амжаагүй дөнгөж төрсөн нярайг нурангиас аварчээ 8 цагийн өмнө
БНХАУ-ыг зорих Монголчуудын анхааралд 9 цагийн өмнө
Б.Гэрэлзаяа: Хүндхэн нөхцөлд орсон хүмүүст мэргэжлийнхээ ачаар тусалж байгаад баяртай байна 10 цагийн өмнө
Зафер Атеш: ​Монголын ард түмний сайхан сэтгэлийг Туркийн ард түмэн хэзээд мартахгүй 10 цагийн өмнө
Б.Ууганбаяр: Бидний мэргэжлийн стандарт нэг учраас аврах ажиллагаанд хүндрэл гарахгүй 10 цагийн өмнө
Туркийн ЭСЯ эмгэнэлийн дэвтэр нээнэ 11 цагийн өмнө
Г.Занданшатар: Төрийн албаны бүх шатанд авлигын үндсийг таслан зогсоох ёстой 11 цагийн өмнө
Ерөнхийлөгч асан Х.Баттулга нээлттэй сонсголд оролцож байна 11 цагийн өмнө
Tөрийн албан хаагчийн ёс зүйтэй холбоотой иргэдийн гомдлыг хянан шалгав 11 цагийн өмнө
“Улаанбаатар өвлийн наадам”-ын үеэр "City tour” хотын аяллын автобус иргэдэд үйлчилнэ 12 цагийн өмнө
​Засгийн газрын ээлжит хуралдаан үргэлжилж байна 12 цагийн өмнө
Өнөөдөр цаг агаар тогтуун байна 13 цагийн өмнө