Хакүхо М.Даваажаргалын койныг авч хохирсон гэх иргэн С.Бат-Очир мэдээлэл хийлээ

“Ворлд Плас Дижитал” компанийн гаргасан WPL койны луйвраас болж хохирсон гэх иргэн С.Бат-Очир өнөөдөр олон нийтэд хандан мэдээлэл хийлээ.

Түүний хувьд  “2021 оны 11, 12 дугаар сард “Ворлд Плас Дижитал” компаниас WPL койныг гаргаж, арав орчим тэрбум төгрөгийг татан төвлөрүүлсэн. Тус компанийн эцсийн өмчлөгч нь Хакүхо М.Даваажаргал, Мотохарү Кимүра гэх Япон улсын иргэн мөн Х.Эрдэнэбаяр гэсэн хүмүүс байдаг. WPL койныг гаргасан  компанийн зүгээс койн гаргасныхаа дараа мэдэгдэл гаргаж, койноо буцаагаад худалдаж авна, жилийн 24 хувийн өгөөж амлаж байсан. Гэхдээ тэд энэ амлалтандаа хүрээгүй. 

Харин одоо, Хакүхо М.Даваажаргал, Мотохарү Кимүра гэх Япон улсын иргэн өөрсдийгөө компанийн эзэмшлээс хассан байна. Олон хүн нэр төртэй энэхүү хоёр эрхэмд итгэж койн авсан" шүү дээ гэж мэдэгдсэн юм.