Г.Занданшатар: Төрийн албаны бүх шатанд авлигын үндсийг таслан зогсоох ёстой

Ц.Цэрэнбадам
2023/02/08

 Улсын Их Хурлын дарга Г.Занданшатар Баянхонгор аймагт ажиллаж, иргэдтэй уулзалт хийх үеэр УИХ-ын үйл ажиллагаанд шинэ шатанд гарч буй хяналт, шалгалтын чиглэлээр хэрэгжүүлж буй ажлын талаар мэдээлж байлаа.

Тэрбээр хэлэхдээ, Монгол Улсын Их Хурлын хяналт шалгалтын тухай хуулийг батлан хэрэгжүүлж, авлига албан тушаал, мөнгө угаах гэмт хэрэгтэй тэмцэх ажлыг эрчимжүүлснээр  олон жил бугшсан хулгай, луйврыг ил болгож байна. Нийгмийн шударга ёс, эдийн засгийн тогтвортой өсөлтийг хангахад  авлига хамгийн том саад болж байна. Албан тушаалтнуудын оролцоотой авлигын томоохон хэргүүд олон нийтийг бухимдуулж буй энэ цагт төрийн албаны бүх шатанд авлигын үндсийг таслан зогсоохын тулд УИХ-аар Авлигатай тэмцэх багц хуулийг хэлэлцэж байгааг онцлон тэмдэглэсэн.  

 

Мөн хойч үеийнхээ боломжийг хулгайлж буй хээл хахуулийн гэмт хэрэгтэй үр дүнтэй тэмцэхийн тулд авлигачдад хуулийн хатуу хариуцлага хүлээлгэх нь зүйн хэрэг.  Эрүүгийн хуулийн Авлигын гэмт хэрэгтэй холбоотой 22 дугаар бүлгийг бүхэлд нь хөндөж нэмэлт, өөрчлөлт оруулснаар ялын хэмжээг нэмэгдүүлж, нийтийн албанд бүх насаар нь ажиллуулахгүй байхаар тусгасан. Авлигачдад оногдуулах ялыг чангаруулж, ямар ч хэлбэрээр завших боломжгүй болгосноор төрийн албан хаагчдын ёс зүй, сахилга хариуцлага нэмэгдэж, баялгийн тэгш хуваарилалт, шударга ёсны нийтлэг зарчмууд хангагдах суурь болно гэдгийг УИХ-ын дарга онцолж байлаа.  

Түүнчлэн Авлигатай тэмцэх багц хуулийн хүрээнд нийтийн сайн сайхны төлөө нийгэмд бугшсан хууль бус үйлдэл, авлига, албан тушаалын гэмт хэргийг илчлэн мэдээлэгчийг хамгаалах, иргэдийн оролцоог түшиглэхийн тулд Шүгэл үлээгчийн эрх зүйн байдлын тухай хуулийг хэлэлцэж эхэлсэн. Ийнхүү хууль тогтоох дээд байгууллагын чиг үүргийг шинэ түвшинд гаргаж, олон жил нийгэмд бугшсан асуудлыг нийтэд дэлгэж, хууль бус үйлдлүүдийг мөрдөн шалган, илрүүлэхэд Авлигатай тэмцэх  багц хууль үр дүнгээ өгнө гэв.

Уулзалтад оролцогчдын зүгээс улстөрчид болон төрийн албаны эрх бүхий тушаалтнуудын  авлига, мөнгө угаах гэмт хэрэгтэй холбоотой мэдээллүүд хэвлэл мэдээлэл, олон нийтийн сүлжээгээр цацагддагч тодорхой хариуцлага хүлээлгэдэггүй өнгөрдөг тул  авлигын эсрэг тэмцэлд итгэл алдардаг талаар хөндөхийн зэрэгцээ Улсын Их Хурлын зүгээс Монгол Улсын Хөгжлийн банкны зээлтэй холбоотой хууль бус асуудал болон нүүрсний хулгайн гэмт хэргийг даруй илрүүлэхэд идэвх санаачлагатай ажиллаж буйд талархаж байгаагаа илэрхийлж байлаа.  



0
angry
0
care
2
haha
2
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Ерөнхий сайд "Дарь-Эх" нэгдсэн эмнэлгийн үйл ажиллагаатай танилцлаа 3 минутын өмнө
Зуданд өртсөн малчдад туслах аяны хүрээнд НЭГ тэрбум төгрөгийн хандив цугларсан 21 минутын өмнө
А.Бат-Амар: Тээврийн хэрэгсэл эзэмшигчийн нэрийг autobox аппликейшн ашиглан шилжүүлэх боломжтой 31 минутын өмнө
Аюулт үзэгдэл, ослын 76 удаагийн дуудлагаар үүрэг гүйцэтгэлээ 45 минутын өмнө
Автобусны жолооч нар НИТХ-д шаардлага хүргүүлнэ 1 цагийн өмнө
ОБЕГ: Цасанд суусан автомашиныг татан гаргах боломжгүй байсан тул орхив 2 цагийн өмнө
Улаанбаатарт өдөртөө цас орж зөөлөн шуурна 3 цагийн өмнө
Баруун аймгуудын ихэнх нутгаар цас орж, цасан шуурга шуурна 21 цагийн өмнө
"Зудтай байгаа аймгуудын ЕБС-ийн сурагчдын гуравдугаар улирлын амралтын хугацааг сунгах эсэхийг шийдвэрлэнэ" 21 цагийн өмнө
Зудын байдалд үнэлгээ хийхэд 13 аймгийн 58 суманд мөсөн зудын нөхцөл бүрджээ 22 цагийн өмнө
Багануур дүүрэгт 50 тонн тэжээлийг үнэ төлбөргүй олголоо Өчигдөр
ТАНИЛЦ: Ирэх саруудын цаг агаарын ерөнхий төлөв Өчигдөр
АШУҮИС малчны хүүхдийг гуравдугаар сарын 17 хүртэл хичээлээс чөлөөлнө Өчигдөр
Согтуу жолооч хүний амь нас хохироон зугтаасныг илрүүллээ Өчигдөр
''Би хоёр настайдаа хараагүй болж том хүү минь ч нэг сартайдаа хараагаа алдахад хүнд байсан, гэхдээ амьдрал сайхан'' 2024/02/24
Хунгарлаж шуурсан газартаа 80 см, гуу жалгандаа 100 см хүртэл зузаан цастай байна 2024/02/24
Цасанд хаагдсан 10.009 км замыг нээж, 1528 тонн малын өвс, тэжээлийн хүргэлт хийлээ 2024/02/24
Х.Нямбаатар: “Акуа Гарден” авлигын томоохон илрэл учраас буулгахаас өөр аргагүй 2024/02/24
Зариг хэлэлцүүлэг: Зудыг хэрхэн гарз хохирол багатай даван туулах вэ? 2024/02/24
ЦАГ АГААР: Өнөөдөр нийт нутгаар цаг агаар тогтуун байна 2024/02/24