Оюу толгойн далд уурхайн олборлолт өнөөдөр эхэлнэ

Ц.Цэрэнбадам

2023/03/13

Өмнөговь аймгийн Ханбогд суманд Оюу толгой төслийн далд уурхайн нээлт өнөөдөр /2023-03-13/ -нд болно. Оюу толгойн ил болон далд уурхай 2028-2036 оны хооронд жилд дунджаар 500,000 тонн зэс үйлдвэрлэх бөгөөд цаашдын таван жилд дунджаар 350,000 орчим тонн зэс олборлох тооцоо гаргажээ. Мөн Оюу толгой 2021 онд 163,000 тонн зэс үйлдвэрлэсэн байна.

Оюу толгойн нийт баялгийн 80 гаруй хувь нь газрын гүнд оршдог. Далд уурхайн цогцолбор байгуулж, хүдрийг блокчлон олборлох аргаар олборлож газрын гадарга руу тээвэрлэхээр төлөвлөсөн.

Далд уурхайн нээлт 13:00 цагт болох бөгөөд нээлтэд Ерөнхий сайд Л.Оюун-Эрдэнэ, Рио Тинто компанийн удирдлагууд оролцох юм. Манай сайтын сурвалжлах баг мэдээллийг газар дээрээс нь хүргэх болно.

Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

2405:5700:300:51a6:159c:56a9:b038:9f40

2023/03/13

Уурхай томроод л байдаг, гэтэл бид ядуурлаасаа салдаггүй, улс орон маань ч ядуу буурай хэвээр. Асуудал бидэнд биш хуульд байгаа юм. Монгол улсад мөнгөний урсгал хэрэгтэй, тийм ч учраас уул уурхайг ард түмэн дэмжсэн байдаг. Гэтэл уул ухаад мөнгөний урсгал бий болсонгүй. Яагаад? Яагаад гэвэл уурхайн эзэд гол төлөв гадаадынхан байдаг, дотоод эзэдтэй нь ч мөнгөн урсгалаа дотооддоо эргүүлдэг нь цөөн. Харин бид хуулиндаа Монголын баялаг, уурхайгаас олсон мөнгөн урсгалыг заавал дотоодын нийт бүтээгдэхүүн нэмэгдүүлэх чиглэлд хөрөнгө оруулалт болгосны дараа мөнгөн урсгал гарч явж болох тухай хууль баталчихвал их олон юм өөрчлөгдөнө. Үйлдвэрүүд нээгдэж, ашигт малтмалаас эцсийн бүтээгдэхүүн гаргаж авах сонирхол үүснэ. Бусад үйлдвэрлэл технологийн салбаруудад хөрөнгө оруулалт цутгаж эхлэнэ. Бид хүнээ экспортлоод дэмий сууж байх бус ажилсаг чадамжтай мэргэжилтэн дэлхийгээс хайж эхлэнэ. Бидэнд ашиг олж болохуйц ашигт малтмалын нөөц байгаа юм бол үүнийг бусад салбараа өөд нь татах түүчээ болгоход улс төрчид гэж өөрсдийгөө нэрлээд байгаа эрх мэдэлтнүүдээс эх орноо гэх жаахан сэтгэл байхад л гүйцээ. Бүх зүйл зөв урсгалдаа орох боломжтой

Хариулах

103.57.94.59

2023/03/13

Ха ха хамаг өрмийг нь гадна дотны хулгайчид л

Хариулах