Хашаа арга хэмжээний хүрээнд 10 мянган метр хашаа, хайсыг булгана

Ц.Цэрэнбадам

2023/03/13

Нийслэлийн удирдах ажилтнуудын шуурхай зөвлөгөөн өнөөдөр /2023-03-13/ боллоо.

Энэ үеэр нийслэлийн Газар зохион байгуулалтын албаны дарга Г.Батзориг “Зуслангийн 26 амны төлөвлөлтийн ажлыг хийж байгаа. Шадивлан, Жигжид, Хуурай мухар, Бэлх гээд дөрвөн амны 8916 нэгж талбарын 1865 га-д төлөвлөлт хийж, тайланг хүлээн авсан. 22 амны төлөвлөлтийг зургаадугаар сард авахаар ажиллаж байна.

Хашаа, хайсны арга хэмжээг гуравдугаар сарын сүүлчээр зохион байгуулж, 100 байршилд 10,322 метр хашаа, хайсыг буулгаж ажиллана. 62 байршлын 6553 метр хашааг стандарт мөрдүүлж ажиллахаар төлөвлөсөн. Халиа тошин үүсэх эрсдэлтэй айлуудын судалгааг гаргасан. Дөрвөн дүүргийн хэмжээнд 1110 нэгж талбарын 79.8 га газрын судалгааг харьяат байгууллагаас ирүүлсэн” хэмээсэн бол Нийслэлийн Байгаль орчны газрын дарга Р.Энхтайван “Зуслангийн бүсийн хашаа, хайсанд нэгдсэн стандарт боловсруулахаар Ажлын хэсэг гарчихсан ажиллаж байна. Мөн нүхэн жорлог цэгцлэхээр БОАЖЯ-тай хамтарсан Ажлын хэсэг журам боловсруулахаар ажиллаж байгаа” гэлээ.

Хотын дарга зуслангийн бүсийн хаягжуулалт, төлөвлөлтийг цэгцтэй болгох хэрэгтэй гэдгийг сануулав.

Сэтгэгдэл (3)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

213.87.133.167

2023/03/14

Хамгийн сайн тавтай морилно уу секс болзоо сайт - - - www.Top24.pw

Хариулах

103.254.123.145

2023/03/13

ЗГ-ын ордоны хашааг буулгах хэрэгтэй, их муухай харагдах юм. Нөгөө муулаад байдаг социализмын үед ийм балай хашаа байгаагүй. Хойд саадан дотор том жижиггүй л зугаалж, оюутан сурагчид хичээл номоо давтдаг байлаа. Улс төрийн товчооны томчууд хүнтэй уулзаад сууж байдаг байсан даа. Одооны дарга нар шиг нүүр буруулж зугтахгүй нь сайхандаа.

Хариулах

66.181.189.76

2023/03/13

Ter bagatengeriin hashaag buulgaj chadahgui baij

Хариулах