СОС Хүүхдийн Хотходын барилгын шав тавих ёслолын үйл ажиллагаа боллоо

Монголын СОС хүүхдийн Хотход нь эцэг эхийн хайр халамжаа алдсан болон алдах эрсдэлд байгаа хүүхэд багачуудыг гэр бүлийн аюулгүй, халуун дулаан орчинд сайн боловсрол эзэмшин, эрүүл өсөж торних нөхцөлийг бүрдүүлэн ажиллаж байна. Монголын СОС Хүүхдийн хотходын “Гэр бүл дэмжих” хөтөлбөрийн үйл ажиллагаанд одоогийн байдлаар 500 хүүхэд гэр бүлийн хамрагдсан. Мөн өнөөдрийг хүртэл 645 өрхийн 2047 хүүхэд, 1035 асран халамжлагчдад халамжийн төрөлжсөн үйлчилгээг үзүүлсэн.

Хүүхэд багачуудын авьяас чадварыг нээх хөгжүүлж, нийгмийн хөгжилд бодитой хувь нэмэр оруулах, мэдлэг боловсролтой хүн болгон хүмүүжүүлэх эрхэм үйлсийг үргэлжлүүлэх, ээлтэй орчин бүрдүүлж ажиллах хүрээнд барилгын өргөтгөл барихаар болсон. Энэхүү барилгын шав тавих ёслолын үйл ажиллагаа өнөөдөр боллоо.

 
2007 онд анх Гэр бүлийг дэмжих хөтөлбөр Баянзүрх дүүргийн 21,27 дугаар хороонд үйл ажиллагаа эхлүүлсэн бөгөөд эх орны гэрэлт ирээдүй болсон хүүхэд багачуудын төлөө цаашид ч хамтран ажиллана гэдгээ хоёр тал илэрхийлсэн.