Монгол Улсын ерөнхий сайд Л.Оюун-Эрдэнэ Баянзүрх дүүргийн цэцэрлэг, сургуулиудын үйл ажиллагаатай танилцлаа

Монгол Улсын ерөнхий сайд Л.Оюун-Эрдэнэ, Боловсрол, шинжлэх ухааны сайд Л.Энх-Амгалан болон холбогдох албаныхан өнөөдөр Баянзүрх дүүргийн “Нарны үрс” болон 267 дугаар цэцэрлэг, Ерөнхий боловсролын 148 дугаар сургуулийн үйл ажиллагаатай танилцлаа. 148 дугаар сургууль нь 1300 гаруй хүүхэд, 115 багш ажилтантай. Энэ жил нэгдүгээр ангийн 10 бүлэгт 409 хүүхэд шинээр элсэн орсон.

Иргэдийн өмнө тулгамдаж буй асуудлыг шийдвэрлэх үүднээс салбарын сайд нар Баянзүрх дүүрэгт ажилласан. Тухайлбал сургууль, цэцэрлэгийн хүртээмжийг нэмэгдүүлэх үүднээс Боловсрол, шинжлэх ухааны сайд Л.Энх-Амгалан дүүрэгт ажиллаж, тулгамдсан зарим асуудлыг шийдвэрлэсэн. Монгол Улсын ерөнхий сайд Л.Оюун-Эрдэнэ Баянзүрх дүүрэгт ажиллах үеэр боловсролын салбарт тулгамдаж буй шийдвэрлэх шаардлагатай ажлуудыг танилцууллаа.

Цаашид ч салбарын сайд нарыг урьж ажиллуулж, дүүрэгт тулгамдаж буй асуудлыг танилцуулан, шийдвэрлэж ажиллана гэдгийг Баянзүрх дүүргийн Засаг дарга Н.Баярмөнх хэллээ.