“Монголын сэтгүүлчдийн нэгдсэн эвлэлийн орон нутгийн форум-2024” Булган аймагт

МСНЭ-ээс жил бүр зохион байгуулдаг “Орон нутгийн сэтгүүлчдийн форум” Булган аймагт энэ удаа эхэллээ.

Энэ удаагийн форумыг Монголын Сэтгүүлчдийн Нэгдсэн Эвлэл, салбар зөвлөл Булган аймгийн ЗДТГ хамтран зохион байгуулж байна.

Өнөөдрийн форумын үйл ажиллагааг нээж Булган аймгийн Засаг дарга Б.Ариун-Эрдэнэ, МСНЭ-ийн Ерөнхийлөгч Ө.Отгонбаатар, аймгийн ИТХ-ын дарга Д.Эрдэнэбат нар нээж үг хэлэн орон нутагтаа хэрэгжүүлж байгаа бүтээн байгуулалт, хөгжлийн талаар тодорхой мэдээлэл өглөө.

Энэ удаагийн форумд Сонгуулийн ерөнхий хорооноос Сонгуулийн тухай хуулийн өөрчлөлт, сонгуулийн үеэр сэтгүүлчид хэрхэн ажиллах талаар мэдээлэл хийж байна.

Форумд Улаанбаатар болон 21 аймаг, орон нутгийн ,төвийн хэвлэл мэдээллийн 100 гаруй сэтгүүлч уран бүтээлчид оролцож байна.