МҮОХ: Буудлагын тамирчдын нэр дутуу явуулсан асуудлаар ОУ-ын Олимпын хороонд бичиг явуулна

Парис 2024 Олимпод оролцох Буудлагын спортын хоёр тамирчны мэдээллийг дутуу явуулснаас тодорхой зай буюу төрөлд оролцох боломжгүй талаар тамирчин О.Есүгэн олон нийтийн сүлжээнд дэлгээд буй. Энэ асуудлаар МҮОХ-ны Гүйцэтгэх зөвлөл хуралдаж, “Парис 2024” Олимпын наадамд оролцох буудлага спортын баг тамирчдад үүсээд буй нөхцөл байдлын тухай мэдээллийг хүргэлээ. Мэдээлэлд: 

"Буудлагын спортын төрлөөр "Парис 2024" олимпын наадамд манай улсаас гурван тамирчин оролцох эрх авсан. Гурван тамирчин гурвуулаа оролцоно. Гэхдээ тодорхой зайнуудад оролцох боломжгүй байна. Манай байгууллага дамжуулагч үүрэг гүйцэтгэдэг. Бидний зүгээс шийдвэр гаргадаггүй. Үндэсний Олимпын хорооноос Олон улсын Олимпын хороонд албан бичиг явуулахаар болоод байна" гэв.