Б.Баттүшиг: Буудлагын тамирчид бүх дасгалдаа оролцоно

Монголын Олимпын хорооноос өчигдөр /2024.07.16/ буудлагын спортын зарим төрөлд хоёр тамирчин оролцох боломжгүй болсон асуудлаар мэдээлэл хийсэн. 

Ингэхдээ "Буудлагын спортын төрлөөр олимпын наадамд манай улсаас гурван тамирчин оролцох эрх авсан. Гурван тамирчин гурвуулаа оролцоно. Гэхдээ тодорхой зайнуудад оролцох боломжгүй байна. Манай байгууллага дамжуулагч үүрэг гүйцэтгэдэг. Бидний зүгээс шийдвэр гаргадаггүй. Үндэсний Олимпын хорооноос Олон улсын Олимпын хороонд албан бичиг явуулахаар болоод байна" гэж мэдэгдээд байсан. 

Тэгвэл Монголын Үндэсний олимпийн хорооны ерөнхийлөгч Б.Баттүшиг "Урт бууны тамирчид бүтэн дасгалд оролцоно. Асуудал гарсан цагаас хойш тасралтгүй Олон улсын буудлагын холбоотой харилцаатай байж, Зохион байгуулах хорооноос зөвшөөрөл авч чадсанаар буудлагын тамирчид бүх дасгалдаа буудахаар боллоо" хэмээн мэдэгдлээ.