Т.Жагваралмаа: Цагдаа нар төрийн нууц гэх материалыг надаас авсан бичиг баримт дунд шургуулсан гэж хардаж байна

Сэтгүүлч Н.Өнөрцэцэгийг төрийн нууц хадгалсан гэх хэрэгт буруутган 4,9 жилийн хорих ял оноогоод буй. Дээрх хэрэгтэй холбогдуулан ар гэрийнхэн болон Зариг.мн сайтын зүгээс мэдээлэл хийлээ. 

Зариг.мн сайтын маркетингийн менежер Т.Жагваралмаа "Эрхлэгчийг яллаад буй төрийн нууц гэх материалыг цагдаагийн алба хаагчид хууль бус мөрдөх ажиллагаа явуулж тодруулбал, надад байсан бичиг баримтыг хөндлөнгийн гэрч байлцуулахгүйгээр надаас хураан авсан. Хичнээн баримтыг сольж, эсвэл шургуулсан бэ гэдгийг одоо бодоод байхад мэдэх боломжгүй нөхцөлд намайг байцаасан. Тэр төрийн нууц гэх материалыг манай эрхлэгч Н.Өнөрцэцэг огт хараагүй байтугай мэдэх ч үгүй шүү дээ. Ингэж хүнийг яллаж болдог юм ууу" гэв.