ЗГХЭГ-ын Тэргүүн дэд даргаар Б.Солонгоог томиллоо

Засгийн газрын хэрэг эрхлэх газрын Тэргүүн дэд даргаар Б.Солонгоог томилжээ.

Б.Солонгоо нь 2021-2024 онд Хууль зүй, дотоод хэргийн дэд сайдаар ажиллаж байсан.

Боловсрол:

• 2007 онд Унгар улсын Өөтвөш Лорандын шинжлэх ухааны их сургуулийн хууль зүй, улс төрийн шинжлэх ухааны сургууль
• 2010 онд Их Британийн Дандийгийн их сургууль
• 2015 онд АНУ-ын Харвардын хуулийн сургуулийг тус тус төгссөн. Эрх зүйч мэргэжилтэй. 
• Англи, унгар хэлтэй.

Ажлын туршлага:

• 2011-2017 онд "Хоган Ловеллс" олон улсын хуулийн фирмд хуульч, олон улсын ахлах хуульч
• 2017-2020 онд "Авинекс партнерс" өмгөөллийн компанид гүйцэтгэх захирал
• 2020-2021 онд ЗГХЭГ-ын Гадаад төсөл, хамтын ажиллагаа эрхэлсэн дэд дарга
• 2021-2024 онд Хууль зүй, дотоод хэргийн дэд сайдаар ажиллаж байв.