Улаанбурханы халдвараар өвчилсөн дөрвөн сартай хүүхэд энджээ

Улаанбурхан өвчний нөхцөл байдал, цаашид авах арга хэмжээний талаар  ХӨСҮТ-ийн захирал Э.Анхбаяр  мэдээлэл хийлээ.  Өнөөдөр үүрээр улаанбурханы халдвараар өвчилсөн дөрвөн сартай хүүхэд өнөөдөр эндсэн. Тус нярай дархлаажуулалтад хамрагдаагүй, биеийн байдал маш хүнд байдалтай ирсэн. Дархлаажуулалтад хамрагдаагүй, архаг хууч өвчтэй хүүхдүүд өвчлөх магадлал өндөр байна. Тиймээс дархлаажуулалтад хамрагдах шаардлагатай байна гэлээ. 

Улаанбурханы 1756 тохиолдол бүртгэгдсэн. 1199 нь эдгэрсэн. Нийт 11 аймагт уг өвчний тохиолдол бүртгэгдээд байна.

Нөхцөл байдлын мэдээлэл

-Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин юм. Улаанбурхан өвчний тохиолдлууд ихэвчлэн Ерөнхий боловсролын сургуульд голомтлон гарч байгаатай холбоотой хамт сурдаг, ажиллаж байгаа хүүхэд, иргэд халдвараас сэргийлэх үүднээс улаанбурханы эсрэг вакцинд хамрагдан өөрийгөө болон бусдыг улаанбурхан өвчнөөс хамгаалах боломжтой юм.
-Эрүүл мэндийнхээ төлөө иргэн бүр хариуцлагатай байж, халдвараас сэргийлцгээе.
Тодруулах, лавлах зүйл байвал 89016199, 75 103 100 утсанд хандана уу.