О.Номинчимэг: Прокурорын төсөв 143 тэрбум төгрөг болж хоёр дахин өссөн

УИХ-ын чуулганы нэгдсэн хуралдаан үргэлжилж байна. УИХ-ын гишүүн О.Номинчимэг хуулийн байгууллагуудын төсвийг хөндлөө.

Ирэх онд Улсын ерөнхий прокурорын газрын төсөв өмнөх жилээс нэмэгдэн, 143 тэрбум төгрөг болжээ. Үүнийг барилга байшин барихад зарцуулсан байна. Хөрөнгө оруулалт нэмэгдэх хэрээр шударга ёс нэмэгдсэн үү, хуулийн байгууллагынхны цалинг нэмсэн. Гэтэл хүн бүрийнх нэмэгдээгүй. Прокуроруудын ур чадварыг нэмэгдүүлсэн үү гэж О.Номинчимэг гишүүн асуув .

Улсын ерөнхий прокурорын Тамгын газрын дарга н.Гансэлэм асуултад хариулав. Тэрээр

• 2023 онд 60 тэрбум
• 2024 онд 70 тэрбум
• 2025 онд 110 тэрбум төгрөг болж өссөн нь үнийн өсөлт, тогтмол зардлууд өссөнтэй холбоотой.

2022 онд нийт прокурорын цалинг 6 хувиар өсгөсөн. Ирэх онд нийт 160 тэрбум төгрөгийн төсвийн төсөл боловсруулж хүргүүлэхэд Засгийн газраас танасан.

Ирэх онд нийт хөрөнгө оруулалт 29 тэрбум төгрөг байна. Үүгээр дөрвөн барилгыг дуусгана. Дүүргүүдийн барилгыг шинэчилнэ, өмнө нь эхэлчихсэн байсан ажлууд гэв.