Хэн нь хэний тал вэ?

МАН-ын даргын сандал суудлын төлөөх өрсөлдөөн Д.Амарбаясгалан, Г.Занданшатар нарын дунд том хагарал үүсгэсэн. Энэ хагарал намаасаа хальж төрийн үйл ажиллагааг доголдоход хүргээд байна. Одоо УИХ болоод ЗГ-ын гишүүд хоёр тал болон УИХ-ын дарга болоод Ерөнхий сайдыг огцруулах бичигт гарын үсэг зурж эхэлсэн.

65 гишүүн дэмжсэн нөхцөлд Засгийн газрыг огцруулах үндэслэл бүрдэнэ

"Ерөнхий сайд Г.Занданшатарыг огцруулах" бичгийг УИХ-ын гишүүн П.Сайнзоригийн албан бланк дээр зурж байгаа. Үндсэн хуулийн 43.1-т заасны дагуу парламентын нийт гишүүний дөрөвний нэгээс доошгүй нь Ерөнхий сайдыг огцруулах саналыг албан ёсоор гаргаж, улмаар олонх нь буюу 65 гишүүн дэмжсэн нөхцөлд Засгийн газрыг огцруулах үндэслэл бүрдэнэ. Ингэхээр 32 гишүүн Засгийн газрыг огцруулахыг дэмжиж гарын үсэг зурсан тохиолдолд УИХ-аар хэлэлцэх боломж бүрдэх юм.

Өнөөдрийн байдлаар Г.Занданшатарын танхимаас С.Амарсайхан Т.Доржханд Л.Мөнхбаатар Т.Аубакир Б.Дэлгэрсайхан Б.Чойжилсүрэн нарын зургаан сайд түүнээс нүүр буруулан П.Сайнзоригийн бланк дээр гарын үсэг зураад байна. Мөн сөрөг хүчнээс Л.Гантөмөр, О.Алтангэрэл, Г.Очирбат, Ц.Туваан тэргүүтэй АН-ын гишүүд болон Хүн намаас  Т.Доржханд, Б.Найдалаа, Эвслээс Н.Номтойбаяр нарын засгийн газрыг унагаах бичигт гарын үсэг зурсан гэх мэдээлэл байна.

64 гишүүн гарын үсэг зурсан тохиолдолд УИХ-ын даргыг огцруулах бичгийг өргөн барих нөхцөл бүрдэнэ

 Нөгөө талд УИХ-ын даргыг огцруулах, чөлөөлөх бичгийг УИХ-ын гишүүн Д.Энхтүвшингийн бланк дээр зуруулж эхлэсэн. Огцруулах бичигт 64 гишүүн гарын үсэг зурсан тохиолдолд өргөн барих нөхцөл бүрдэнэ. Уг бичигт Засгийн газрынхаа талд үлдсэн Н.Учрал, Б.Батцэцэг , С.Бямбацогт , Б.Жавхлан , Г.Дамдинням , Д.Батлут, Б.Батбаатар , П.Наранбаяр , Ч.Ундрам , Э.Бат-Амгалан , Ж.Энхбаяр , Э.Батшугар , Ж.Чинбүрэн  нарын гишүүд нэгдэх прогноз байна. Мөн сөрөг хүчнээс  О.Цогтгэрэл, О.Амгаланбаатар, С.Эрдэнэболд, Ц.Баатархүү, Ж.Баярмаа, П.Батчимэг тэргүүтэй гишүүд гарын үсэг зурсан гэх. УИХ дахь АН-ын бүлэг 20:22 -иор үзэл бодол зөрүүтэй байгаа гэх мэдээлэл бий.

Нөгөө талд УИХ-ын даргыг огцруулах, чөлөөлөх бичгийг УИХ-ын гишүүн Д.Энхтүвшингийн бланк дээр зуруулж эхэлсэн. Огцруулах бичигт 64 гишүүн гарын үсэг зурсан тохиолдолд өргөн барих нөхцөл бүрдэнэ.

Уг бичигт Засгийн газрынхаа талд үлдсэн Н.Учрал, Б.Батцэцэг , С.Бямбацогт , Б.Жавхлан , Г.Дамдинням , Д.Батлут, Б.Батбаатар , П.Наранбаяр , Ч.Ундрам , Э.Бат-Амгалан , Ж.Энхбаяр , Э.Батшугар , Ж.Чинбүрэн нарын гишүүд нэгдэх прогноз байна. Мөн сөрөг хүчнээс О.Цогтгэрэл, О.Амгаланбаатар, С.Эрдэнэболд, Ц.Баатархүү, Ж.Баярмаа, П.Батчимэг тэргүүтэй гишүүд гарын үсэг зурсан гэх. УИХ дахь АН-ын бүлэг 20:22 -иор үзэл бодол зөрүүтэй байгаа гэх мэдээлэл бий.