Гамшгаас хамгаалах бэлэн байдлын үзлэгт хамрагдлаа

“Монголын төмөр зам” ТӨХК-ийн тусгайлан томилогдсон ажилтан, албан хаагчид Онцгой байдлын ерөнхий газраас зохион байгуулж буй “Гамшгаас хамгаалах бэлэн байдлын үзлэг”-т хамрагдлаа.

Монгол Улсын Шадар сайдын 2025 оны үзлэг зохион байгуулах тухай тушаал болон Гамшгаас хамгаалах тухай хуулийн холбогдох заалтыг хэрэгжүүлэх хүрээнд ажлын хэсгийн 20 гишүүн Зам, тээврийн яамны харьяа байгууллагуудын нэгдсэн талбайд товлосон цагт бүрэн бүрэлдэхүүнээр цуглаж, оролцогчдын хувийн бэлэн байдал болон хамгаалах хэрэгслийн хангалт, бэлтгэлийн түвшинг шалгууллаа.

2025 оны 10 дугаар сарын 20-21-ний өдрүүдэд үргэлжлэх тус үзлэгийн дараагийн шатанд ОБЕГ-аас компанийн ажлын байранд газар дээрх үзлэг хийж, “Гамшгийн эрсдэлийн үнэлгээ” болон “Гамшгаас хамгаалах төлөвлөгөө”-ний баримт бичгүүдтэй танилцах юм.