Узбекистаны Itpark МТҮП-ын инкубатор oneplace.HR компани 50,000 ам.долларын хөрөнгө оруулалт авжээ

Узбекистаны ITPARK 8 орны ITPAR, HUB-уудтай хамтын ажиллагааны санамж бичигт гарын үсэг зурж, МТҮП-ын инкубатор oneplace.HR компани 50,000 ам.долларын хөрөнгө оруулалт авжээ.

Digital Startup Awards 2025 хөтөлбөрийн хүрээнд өнөөдөр Узбекистан Улсад болсон албан ёсны арга хэмжээний үеэр Мэдээллийн технологийн үндэсний парк (МТҮП) болон Узбекистаны Ай Ти Парк хооронд хамтын ажиллагааны санамж бичиг (MOU) байгууллаа.

Тус санамж бичигт стартап, инновац, мэдээллийн технологийн салбарын хамтын ажиллагааг эхлүүлэх чухал алхам боллоо. Энэхүү хамтын ажиллагааны хүрээнд стартапуудыг харилцан дэмжих, туршлага солилцох, хамтарсан хөтөлбөр, арга хэмжээ хэрэгжүүлэх, бүс нутгийн инновацын экосистемийг бэхжүүлэх зорилготой бөгөөд төв азийн орнуудын мэдээллийн технологи, стартап, экосистемийн хамтын ажиллагааг шинэ түвшинд гаргах эхлэл болж байна. Digital Startup Awards 2025 хөтөлбөрийн хүрээнд Узбекистан Улсад зохион байгуулагдсан олон улсын арга хэмжээ амжилттай болж өндөрлөлөө. Тус арга хэмжээний үеэр МТҮП-ын захирал Ж.Золзаяа Zolzaya “Digital Startup Awards” зохион байгуулж буй 9 улс хоорондын хамтын ажиллагааны санамж бичиг (MoU)-т гарын үсэг зурлаа.

Мөн тус хөтөлбөрийн хүрээнд хэрэгжсэн “Best startup project” төрөлд “Egune AI” болон “Uwish” компаниуд стартапууд финалын шатанд амжилттай оролцож, хурдасгуур хөтөлбөрөөс  " Oneplace.hr " компани 50,000 ам.долларын хөрөнгө оруулалт авлаа. Энэхүү амжилт нь Монгол улсын стартапууд бүс нутгийн болон олон улсын түвшинд өрсөлдөх өндөр чадавхтайг харуулж буй бодит үр дүн юм.

Уг арга хэмжээ нь DSA 2025-ийн түнш 9 улс оролцсон олон улсын түвшний уулзалтын нэг хэсэг бөгөөд Монгол Улсын инновац, технологийн салбарын олон улсын хамтын ажиллагааг өргөжүүлэхэд чухал ач холбогдолтой үйл явдал боллоо.