Итх-ын нийгмийн бодлогын хорооны төлөөлөгчид дүүргийн ебс-ын сургуулиуд болон СӨБ-ын байгууллагуудын үйл ажиллагаатай танилцаж байна

Сүхбаатар дүүргийн иргэдийн Төлөөлөгчдийн Хурлын Нийгмийн бодлогын хорооны 2025 оны 4 дүгээр хуралдаанаас дүүргийн төрийн өмчийн ерөнхий боловсролын сургууль, сургуулийн өмнөх боловсролын байгууллагууд болон Гэр бүлийн хүчирхийллийн гэрч хохирогчийг хамгаалах нэг цэгийн үйлчилгээний төвийн үйл ажиллагаатай танилцаж санал дүгнэлт боловсруулах ажлын хэсэг байгуулагдаж 2025 оны 11 дүгээр сарын 11-ний өдөр ерөнхий боловсролын 6, 16 дугаар сургууль, 16, 69, 75, 234 дүгээр цэцэрлэгийн үйл ажиллагаатай танилцан тэдэнд тулгамдаж буй асуудал, хүндрэл бэрхшээл, санал сэтгэгдлийг нь сонсож ажиллалаа.

Ажлын хэсгийн ахлагчаар ИТХ-ын Нийгмийн бодлогын хорооны төлөөлөгч Б.Бямбасайхан, гишүүдээр төлөөлөгч Б.Оргилболд, С.Цэрэнлхам, О.Батсүх, Б.Оюу-Эрдэнэ, Л.Ундрах, Б.Энхзаяа, Г.Болдмаа, Ш.Одгэрэл, Ч.Санжидрагчаа нар ажиллаж байна.