ТОКИ АПП: Хувийн мэдээллээ бусдад алдан манайхаас зээл авсан иргэний асуудлаар цагдаад хандсан

Өөрөө аваагүй, мэдээгүй байхад “Toki” аппликейш дээр чанаргүй зээлтэй болж шүүхэд дуудагдсан иргэн манай сайтад хандаж мэдээлэл өгч байсан юм. Иргэний мэдээлснээр түүний регистрийн дугаарыг мэдсэн үл таних этгээд уг аппликейшнээр дамжуулан 500 мянган төгрөгийн зээл гаргасан бөгөөд хүү бодогдсоор зээлийн үлдэгдэл 700–800 мянган төгрөгт хүрсэн байна. Тэрбээр уг зээлийг өөрөө гаргаагүй, ямар нэгэн зөвшөөрөл өгөөгүй гэдгээ онцолж байсан юм.

Бид энэ асуудлаар Токи апп болон цагдаагийн байгууллагаас тодрууллаа. Цагдаагийн байгууллагаас өгсөн мэдээллээр энэ хэргийг эцэслэн шийдээгүй шалгаж байна гэлээ. Мөн 2025 онд 228 иргэн цагдаагийн байгууллагад хандан өөрийнх нь өмнөөс гуравдагч итгээд зээл авч залилсан талаар гомдол гаргажээ. Эдгээр хэрэг дээр мөрдөн шалгах ажиллагаа үргэлж байна гэсэн юм. Залилуулсан иргэдийн тухай ихэвчлэн зээлээ ахиулан гэхчлэн асуудлаар зараар холбогдсон хүнд итгэн регистрийн дугаар, банкны нэвтрэх нэр зэрэг хувийн мэдээллээ өгч хохирдог байна.

Харин Токи апп -ын маркетингийн газрын даргын хэлж байгаагаар тухайн кейс дээр цагдаагийн байгууллагад хандан хамтран ажиллах хүсэлт илэрхийлсэн. Тухайн хэрэглэгчийн өмнөөс зээл авсан асуудалд цагдаагийн байгууллагаас албан ёсоор шалгаж байгаа талаар бидэнд мэдэгдсэн тохиолдолд бид хэрэглэгчид дахин дахин шаардлага хүргүүлэхгүй. Мөнгө нь хаашаа явсан бэ гээд хөөхөд ямар нэгэн байдлаар олддог. Тэр үед нь бид хохирлоо барагдуулаад явдаг гэсэн мэдээлэл өглөө.