Булган сум 5585 мод тарьжээ

“Тэрбум мод” үндэсний хөдөлгөөний хүрээнд Булган аймаг 2025 оны байдлаар нийт 2,549,954 мод тарьж, ургуулжээ. Энэ нь аймгийн нэг иргэн дунджаар 41 мод тарьж, арчилж ургуулсан гэсэн үзүүлэлт болж байна.

Тус аймаг 2030 он хүртэл нийт 20 сая мод тарьж, ургуулах зорилт тавин хэрэгжүүлж байгаа бөгөөд жил бүр хавар, намрын улиралд мод тарих нэгдсэн өдөрлөг зохион байгуулж байна. Энэхүү үйл ажиллагаанд төрийн байгууллагууд, аж ахуйн нэгж, компани, иргэд, малчид идэвхтэй оролцож, цэцэрлэгжүүлэх, ойжуулах, ойг нөхөн сэргээх, суулгац үржүүлгийн ажлыг өргөн хүрээнд хийж байна.

 “Тэрбум мод” үндэсний хөдөлгөөний хүрээнд Булган аймаг 2022 онд 755 мянга, 2023 онд 710 мянга, 2024 онд 466 мянга, 2025 онд 618 мянган мод тус тус тарьжээ. Одоогийн байдлаар Булган сум хамгийн их буюу 5585 бургас, хайлаас тарьж ургуулсан үзүүлэлттэй байна.

Булган аймаг нийт 48,700 км.кв газар нутагтай бөгөөд үүний 1,922 мянган га талбай нь ойн сан бүхий бүсэд хамаардаг.