Амралтын өдрүүдэд Монгол Бөхийн Өргөөнд хүчит 128 бөхийн барилдаан дараалан болно

Тодруулбал, маргааш /2025.05.09/ Ховд аймаг-ийн Дөргөн сум үүсэн байгуулагдсаны 70 жилийн ой болон БНМАУ-ын начин Л.Бандихүүгийн нэрэмжит улс, аймаг, цэргийн цолтой 128 бөхийн барилдаан зохион байгуулагдана. Дөргөн сумын 70 жилийн ойн баяр наадам ирэх долоодугаар сарын 24-27-нд болохоор товлогдсон бөгөөд өдгөө улсын залуу начин Г.Дармаажанцан нутгийнхаа нэрийг гарган барилдаж буй юм.

Харин тавдугаар сарын 10-ны ням гарагт “Баянзүрх хайрханы хишиг” барилдаан зургаан жилийн дараа дахин үзэгчдийн хүртээл болно. Анх 2007 онд эхэлсэн тус барилдааны өнгөрсөн жилийн түрүүг улсын арслан Ц.Бямба-Отгон хүртэж, үзүүрт улсын заан Б.Бат-Өлзий шалгарч байжээ.

Мөн энэ сарын 10-нд Баруун-Урт хотноо “Жавхлант шарга” холбооны 30 жилийн ойд зориулсан улс, аймаг, цэргийн цолтой хүчит 128 бөхийн барилдаан болно. Тус барилдаанд улсын аварга О.Хангай, улсын арслан Б.Орхонбаяр тэргүүтэй бөхчүүд зодоглохоор болжээ.