Увс аймгийн Засаг даргын орлогч С.Анхбаярт гурван сарын цалингийн 30 хувиар хасах хариуцлага тооцжээ

Дуучин Б.Амархүүг тоглолт хийх үед Увс аймгийн Засаг даргын орлогч С.Анхбаяр хүний эрх зөрчсөн гэж ХЭҮК үзсэн юм.  

Эргэн сануулбал, дуучин Б.Амархүү Увс аймагт тоглолт хийх үед тус аймгийн Засаг даргын орлогч С.Анхбаяр удаа дараа постоор мэдэгдэл хийсэн. С.Анхбаяр өөрийн цахим хуудаснаа, "Хар тамхичныг үзээгүй нь зөв шүү дээ. Бүр яагаад цаг гаргаж өгдөг юм. Зарим зүйлийг жигшиж байх хэрэгтэй шүү. Хар тамхичинд цаг гаргаж өгсөн театрын удирдлагуудад хариуцлага тооцуулна" гэж байр суурь илэрхийлж байсан билээ.  Энэ талаар ХЭҮК-ын Гомдол, хяналт шалгалтын хэлтсийн дарга Г.Ууганбаатар, "Тухайн иргэн өмнө нь гэмт хэрэгт холбогдож, хууль ёсны шийдвэрийн дагуу хариуцлагаа хүлээгээд дууссан. Гэтэл өмнө ял шийтгэл эдэлж байсан гэх үндэслэлээр урлаг уран сайхны үйл ажиллагаа явуулахад нь саад учруулах, хориглох нь хүний эрхийн зөрчил. Тиймээс Комиссын гишүүний шаардлага хүргүүлнэ" гэсэн байдаг. Тэгвэл уг асуудалд холбогдуулан Увс аймгийн Засаг даргын орлогч С.Анхбаярт гурван сарын цалингийн 30% хасах хариуцлага тооцохоор болсон байна.