Б.Уянга: Хотын дарга зоригтой ажилласан

Хотын дарга зоригтой шийдвэр гаргаж, олон жил шийдэгдэхгүй байсан асуудлуудыг засахын төлөө идэвхтэй ажилласан гэж үнэлж байна. Тухайлбал, хотын хэмжээнд их хэмжээний боржур сольж шинэчилсэн нь зам засварын ажлыг илүү цэгцтэй, хурдан хийх боломж бүрдүүлсэн гэж үзэж байгаа юм. Мөн боржурыг шинэчилсний дараа авто замаа давхар шинэчилж байгаа нь ажлын үр дүнг нэмэгдүүлж байгааг иргэд онцолж байна.

Ялангуяа зуслангийн чиглэлд болон хотын төвийн зам, явган хүний орчин сайжирснаар хотын өнгө үзэмж мэдэгдэхүйц өөрчлөгдсөн байсан. Хотын олон асуудлыг нэгэн зэрэг хариуцан ажиллах өндөр үүрэгтэй албан тушаал болох хотын даргын хувьд ажлаа хариуцлагатай, тууштай хийсэн.