Б.Пунсалмаа: Одоогийн Засгийн газар тогтвортой ажиллаасай гэж бодож байна

Сэтгүүлч: Арчилсан нам засагт хамтрах асуудал яригдаад байх шиг байна танд мэдээлэл байна уу? 

Б.Пунсалмаа: Надад бол тийм мэдээлэл ирээгүй. Одоогийн байдлаар би энэ ажиллаж байгаа Засгийн газрыг тогтвортой ажиллаасай гэж бодож байна. Ер нь Засгийн газар байн байн солигдоод байх нь нийгэм, эдийн засгийн хувьд ач холбогдол багатай. Хэрвээ одоо дахиад шинэ Засгийн газар байгуулагдана гэвэл маш тогтворгүй засаглалын тогтолцоо бий болно. Би дахин Засгийн газрын тухай ярьж байгаа бол түүний эсрэг байр суурьтай байна. Заавал хамтарч ажиллах албагүй шүү дээ. Нэгдүгээрт, сөрөг хүчин байх ёстой. Хоёрдугаарт, Ардчилсан намынхан өөрсдийн намын хөгжлийн хөтөлбөртөө оруулсан санаануудаа аль болох одоогийн Засгийн газрын бодлогод боломжийн хэрээр суулгаад, хамтраад ажиллах ёстой. Заавал энэ Засгийн газарт хамтарч, зарим яамдыг удирдаж оролцох туйлын шаардлагатай гэж би лав үзэхгүй байна.