Өнөөдөр таван байршилд зам хаана

Олон улсын хүүхдийн эрхийг хамгаалах өдрийг тохиолдуулан “Хаки” хүүхдийн баярын нэгдсэн үйл ажиллагааг 10:00 цагаас Д.Сүхбаатарын талбайд зохион байгуулна.

Үүнтэй холбогдуулан доорх таван байршилд 06:00-20:00 цагт түр хугацаанд зам хаах юм. Тодруулбал,

Жуулчны гудамж- Цаг уур, орчны шинжилгээний газрын уулзвараас Төрийн ордны баруун талын уулзвар хүртэл,

Ерөнхий сайд Амарын гудамж- Төрийн ордны зүүн талын уулзвараас Спортын төв ордны уулзвар хүртэл,

Д.Сүхбаатарын гудамж- Төв шуудангийн уулзвараас Чингис хааны музейн уулзвар хүртэл,

Их сургуулийн гудамж- Гадаад харилцааны яамны уулзвараас Монгол Улсын Их Сургуулийн уулзвар хүртэл

П.Гэндэнгийн гудамж- Монголын хүүхдийн ордны хойд уулзвараас Шангри-Ла худалдааны төвийн зүүн хойд уулзвар хүртэлх авто замыг түр хугацаанд хаана. 

Тиймээс жолооч нарыг хүлээцтэй хандаж, өөр зам сонгож зорчихыг Тээврийн цагдаагийн алба, Замын хөдөлгөөний удирдлагын төвөөс анхаарууллаа.