Бурхан Халдун уулын, уулын тэнгэрийг тайх төрийн тахилга болно

Монгол Улсын Ерөнхийлөгч У.Хүрэлсүхийн зарлигаар Бурхан Халдун уулын, уулын тэнгэрийг тайх төрийн тахилгыг 2026 оны зургаадугаар сарын 22, 23-ны өдрүүдэд үйлдэх гэж байна. Монгол төрөөс тус хайрханыг анх 1818 оноос тахиж эхэлсэн ч социализмын он жилүүд дэх шашингүйн бодлогын улмаас хэсэгтээ тасалдаад 1995 онд Монгол Улсын Ерөнхийлөгчийн зарлигаар дахин сэргээсэн бөгөөд Бурхан Халдун нь Дэлхийн соёлын өвд "Бурхан халдун уул, түүнийг хүрээлсэн тахилгат газар нутаг" хэмээх нэрээр бүртгэлтэй хайрхан юм. 

Тус хайрханы жаранд ганц тохиодог гал морин жилийн тахилгын шашны зан үйлийг уламжлалт шарын шашны төлөөлөл лам хуврагууд болон эзэн Чингис хааны байгуулсан Их Монгол улсын үед төрийн шашин байсан бөөгийн ёсыг хослуулан үйлдэж, Тэнгэр шүтлэгтэй тодорхой тооны заарин, удгадыг албан ёсоор оролцуулахаар шийдвэрлэсэн байна.

Энэ удаагийн тахилгын бэлтгэлийг хангах, зохион байгуулах ажлыг Монгол Улсын Ерөнхийлөгчийн Тамгын газар, Монголын тэнгэр үзэлтний Мөнх Тэнгэр Нэгдсэн Хороо, МБШТ Гандантэгчинлэн хийд хамтран хийх юм.